Свята-Раства-Багародзіцкая царква (Лужкі)
Славутасць | |
Свята-Успенская царква | |
---|---|
| |
55°21′11″ пн. ш. 27°52′09″ у. д.HGЯO | |
Краіна | Беларусь |
Аграгарадок | Лужкі |
Канфесія | БПЦ |
Епархія | Полацкая і Глыбоцкая епархія |
Дата заснавання | 1794 |
Медыяфайлы на Вікісховішчы |
Свята-Раства-Багародзіцкая царква — праваслаўны храм у в. Лужкі Шаркаўшчынскага раёна Віцебскай вобласці.
Гісторыя
[правіць | правіць зыходнік]На вуліцы Дзісненскай. Пабудавана ў 1794 г. з цэглы на сродкі полацкага ваяводы Валерыяна Жабы. У 1831 г. і 1885 г. гарэла.
Архітэктура
[правіць | правіць зыходнік]Помнік архітэктуры пераходнага перыяду ад барока да класіцызму і рэтраспектыўна-рускага стылю. Прамавугольны ў плане аб'ём малітоўнай залы пераходзіць у трохсценак апсіды, накрыты агульным вальмавым дахам, завершаным цыбулепадобным купалам на васьмігранным барабане. У 1934 г. прыбудаваны прытвор з двух'яруснай чатырохграннай званіцай над ім, завершанай шатровым дахам з макаўкай на барабане. Сцены расчлянёны высокімі арачнымі аконнымі праёмамі з дугамі-броўкамі і крапаваны пілястрамі, апяразаны прафіляваным карнізам.
Інтэр'ер
[правіць | правіць зыходнік]У залу над шырокім арачным праёмам адкрываюцца хоры. Абразы 17 — 18 ст.: «Ражджаство Хрыстова», «Ісус Хрыстос, які благаслаўляе дзяцеў», «Маці Божая Адзігітрыя» (1794), «Святы Мікалай» (залачоная рыза выканана ў 1794 г лужкоўскім злотнікам Янам Жыгелем), фератрон «Святы Мікалай» і «Маці Божая Адзігітрыя», іканастас. Пад царквой крыпта.
Зноскі
Літаратура
[правіць | правіць зыходнік]- Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.
Спасылкі
[правіць | правіць зыходнік]- Свята-Раства-Багародзіцкая царква (Лужкі) на сайце «Архіварта»