Свята-Успенская царква (Васільчыцы)

Праваслаўны храм
Свята-Успенская царква
53°04′08″ пн. ш. 27°07′37″ у. д.
Краіна	Беларусь
Вёска	Васільчыцы
Канфесія	Беларуская праваслаўная царква
Епархія	Слуцкая епархія
Архітэктурны стыль	беларускае народнае дойлідства
Дата пабудовы	XIX стагоддзе
Статус	Гісторыка-культурная каштоўнасць Беларусі, шыфр 613Г000677

Свята-Успенская царква — праваслаўны храм у в. Васільчыцы (Капыльскі раён). Размешчана ў цэнтры вёскі. Помнік народнага дойлідства.

Пабудавана ў другой палове XIX стагоддзя з дрэва. З 1990-х гадоў зноў дзейнічае.

Архітэктура

Невялікі вясковы храм фарміруюць пастаўленыя на бутавы падмурак квадратны прытвор з васьміграннай шатровай званіцай, прамавугольныя зрубы малітоўнай залы і апсіда з бакавымі рызніцамі. Асноўны аб’ём і апсіда пры дапамозе трохвугольных застрэшкаў накрыты агульным вальмавым гонтавым дахам, у цэнтры завершаны галоўкай на васьмігранным барабане. Макаўка завяршае гранёны шацёр 8-граннай званіцы. Гарызантальна ашаляваныя сцены прарэзаны прамавугольнымі аконнымі праёмамі ў простых ліштвах і ўмацаваны брусамі-сцяжкамі ў прасценках.

Літаратура

• Міцянін А. А. 901. ПРАЧЫСЦЕНСКАЯ ЦАРКВА // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1987. — Мінская вобласць. Кніга 1. — С. 187—188. — 284 с.: іл.
• Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн.: БелЭн, 2007.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Свята-Успенская царква (Васільчыцы) на сайце Radzima.org
• Свята-Успенская царква (Васільчыцы) на сайце Глобус Беларусі (руск.)