Серабактэрыі

Поліфілетычная група
Прыклад бактэрыяльнага мату Thioploca
Назва
Серабактэрыі
Статус назвы
не вызначаны
Бацькоўскі таксон
Дамены Бактэрыі (Eubacteria), Археі (Archaea)
Прадстаўнікі
Thiobacillus Paracoccus Achromatium Sulfolobus Acidianus Beggiatoa і больш 20 іншых

Серабактэ́рыі — бактэрыі, акісляючыя неарганічныя злучэнні серы і малекулярную серу (звычайна, серавадарод і іншыя злучэнні серы да сернай кіслаты).

Да серабактэрый адносяць шэраг фотатрофных пурпуровых і зялёных серабактэрый, тыёнавыя бактэрыі. Часцей за ўсё сустракаюцца нітчатыя серабактэрыі(Beggiatoa, Thiothrix) і аднаклетачныя (Thiospira, Thiovulum, Macromonas).

Сустракаюцца у вадзе і грунце вадаёмаў, глебе, радовішчах серы і сульфідных мінералаў.

Карысныя ўласцівасці

Серабактэрыі ўдзельнічаюць у кругавароце серы ў прыродзе і паніжаюць утрыманне серы ў вадзе. Некаторыя з іх выкарыстоўваюцца ў працэсе вышчалочвання металаў з руды (гідраметалургія).

Шкоднае ўздзеянне

Некаторыя серабактэрыі могуць з'яўляцца прычынай разбурэння бетонных і мураваных збудаванняў і абсталявання ў шахтах, карозіі металаў.

Літаратура

• Серабактэрыі // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 340. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Заварзин Г. А. Серобактерии (руск.) — артыкул з Вялікай савецкай энцыклапедыі