Соф’я Якаўлеўна Гурыч

Соф’я Якаўлеўна Гурыч
Дата нараджэння	29 снежня 1919(1919-12-29)
Месца нараджэння	Менск, Менскі павет, Менская губерня, БССР
Дата смерці	28 красавіка 1999(1999-04-28) (79 гадоў)
Грамадзянства	Беларусь
Адукацыя	Беларуская тэатральная студыя пры Цэнтральным тэатральным вучылішчы ў Ленінградзе[d] (1937)
Прафесія	тэатральная актрыса, тэатральны рэжысёр
Тэатр	Беларускі дзяржаўны акадэмічны тэатр юнага гледача Брэсцкі акадэмічны тэатр драмы імя Ленінскага камсамола Беларусі Гомельскі абласны драматычны тэатр Першы Нацыянальны канал Беларускага радыё
Прэміі
Узнагароды

Соф'я Якаўлеўна Гурыч (нар. 29 снежня 1919, Менск — 28 красавіка 1999) — беларуская актрыса, рэжысёр. Заслужаны работнік культуры Беларускай ССР (1985).

Біяграфія

Нарадзілася 29 снежня 1919 года ў Менску. Скончыла Беларускую студыю пры Цэнтральным тэатральным вучылішчы ў Ленінградзе ў 1937 годзе. У 1937—1941 гадах працавала ў Тэатры юнага гледача БССР. У 1944—1948 гадах рэжысёр Брэсцкага і ў 1955—1957 гадах Гомельскага абласнога драматычнага тэатраў. 3 1966 года рэжысёр, у 1967—1986 галоўны рэжысёр Беларускага рэспубліканскага радыё.

Памерла 28 красавіка 1999 года.

Творчасць

Выконвала ролі травесці: Фелікс («Наша зброя» А. Крона), Гешка («Чарамыш, брат героя» паводле Л. Касіля) і маладых дзяўчат: Валя Брузжак («Як гартавалася сталь» паводле М. Астроўскага), Зербінета («Хітрыкі Скапэна» Мальера) і інш. Яе персанажы натуры актыўныя, дзейсныя. валявыя, энергічныя, сыграныя тэмпераментна, ярка: Жэня Шаўрова («Блакітнае і ружовае» А. Бруштэйн), Маленькая разбойніца («Снежная каралева» Я. Шварца), Тоня («Старыя сябры» Л. Малюгіна), Лізета («Гульня кахання і выпадку» П. Марыво) і інш. Сярод пастановак: «Сын» С. Паташова (1947), «Сустрэча з юнацтвам» А. Арбузава (1948), «Гісторыя аднаго кахання» К. Сіманава (1955), «Васа Жалязнова» М. Горкага (1956), «Калі цвіце акацыя» М. Віннікава (1957) і інш.

Узнагароды

Заслужаны работнік культуры Беларускай ССР (1985). Лаўрэат Дзяржаўнай прэміі Беларусі (1984).

Літаратура

• Гурыч Соф’я Якаўлеўна // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.