Матылі адносна вялікія, пярэднія крылы ўмеранай шырыні, размах крылаў 41–52 мм. Афарбоўка светлая, з карычневата-шэрым адценнем. Ніжнегубныя шчупікі даўжэй за галаву ў 1,5 разы, далёка выступаюць за лоб. Вусікі самцоў слабапілаватыя, з пучкамі раснічак на кароткіх тупых зубцах або шчацінкападобныя, з раснічкамі на кожным членіку. Патагіі пакрыты вузкімі лускавінкамі, расшыранымі па канцах.
