Стафан Францкевіч-Радзімінскі

Стафан Францкевіч-Радзімінскі
Бродзіц[d]
пасол на Сойм Рэчы Паспалітай[d]
староста слонімскі[d]
харунжы новагародскі[d]
каралеўскі дваранін[d]
Нараджэнне	каля 1610
Смерць	16 жніўня 1693(1693-08-16)
Род	Францкевічы-Радзімінскія[d]
Бацька	Ян Францкевіч-Радзімінскі[d]
Маці	N з Нарушэвічаў[d]
Жонка	Марыяна з Раецкіх[d]
Дзеці	Гедэон Міхал Францкевіч-Радзімінскі і Альжбета Ганна Францкевіч-Радзімінская[d]
Веравызнанне	кальвінізм
Бітвы	Збораўская бітва[d] Хацінская бітва (1673)[d] Бітва пад Венай

Стафан Францкевіч-Радзімінскі (? — 1693) — вялікалітоўскі дзяржаўны дзеяч.

Біяграфія

Паходзіў са шляхецкага роду Францкевічаў-Радзімінскіх герба «Бродзіц». Малодшы сын харужага лідскага Яна і невядомай з Нарушэвічаў. Харужы новагародскі ў 1654 годзе, каралеўскі дваранін, староста слонімскі.

Удзельнічаў у вайне Расіі з Рэччу Паспалітай 1632—1634 гадоў, у бітве з украінскім казакамі пад Зборавым у 1649 годзе, у вайне Расіі з Рэччу Паспалітай 1654—1667 гадоў. Вызначыўся ў Хацінскай бітве 1673 года, у Венскай кампаніі 1683 года.

Шмат разоў з 1648 года выбіраўся паслом на соймы, уваходзіў у шматлікія соймавыя камісіі.

Сям’я

Быў некалькі разоў быў жанаты: спачатку з Крышкоўскай, потым з Ежавай Храптовічавай і, нарэшце, з Марыянай з Раецкіх, ваевадзянкай менскай, з якой пакінуў дачку Ганну Эльжбету і двух сыноў. Адзін з іх, Міхал Гедэон, быў харунжым надворным літоўскім.

Літаратура

• Пазднякоў В. Францкевічы-Радзімінскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 705. — 792 с. — ISBN 985-11-0378-0 (т. 2), ISBN 985-11-0315-2.