Сядзіба Біспінгаў (Масаляны)

Славутасць
Сядзібна-паркавы ансамбль Біспінгаў
Сядзіба на карціне Н. Орды
53°21′35,50″ пн. ш. 24°00′21,43″ у. д.
Краіна	Беларусь
Вёска	Масаляны
Архітэктурны стыль	ампір
Архітэктар	Аляксандр Градэцкі
Дата заснавання	1830-я
Асноўныя даты
1970-я — Перабудова сядзібнага дома
Будынкі
сядзібны дом • бровар • капліца • гаспадарчыя пабудовы • парк
Медыяфайлы на Вікісховішчы

Сядзібна-паркавы ансамбль Біспінгаў — помнік сядзібна-паркавай архітэктуры XIX ст. у в. Масаляны (Бераставіцкі раён). Меў рысы стыляў ампір і несапраўднай готыкі. Пасля значнай перабудовы ў 1970-я гады сядзібны дом страціў гістарычны выгляд.

Архітэктура

Сядзіба ў Масалянах на малюнку ў Н. Орды. 1860-1870-я гг.

Мураваны аднапавярховы будынак складанай канфігурацыі ў плане, быў пастаўлены на высокі цокаль. Цэнтральная частка, накрытая вальмавым дахам, была вылучана чатырохкалоннай паўратондай, якая заканчвалася квадратным у плане бельведэрам са скульптурай у завяршэнні. Бакавыя крылы палаца на галоўным фасадзе афармлялі слупавыя галерэі. Прамавугольныя і спічастыя вокны цэнтральнай часткі і бакавых крылаў былі аздоблены абрамленнямі з сандрыкамі і архівольтамі.

Палац вядомы паводле малюнку Н. Орды 1860—1870-х гадоў, калі належаў Біспінгам.

• 
  Сядзіба ў пачатку XX ст.
• 
  Сядзіба ў пачатку XX ст.
• 
  Сядзіба ў пачатку XX ст.
• 
  Сядзіба ў пачатку XX ст.
• 
  Сядзіба ў 1939 годзе

Літаратура

• Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.

Спасылкі

• На Вікісховішчы ёсць медыяфайлы па тэме Сядзіба Біспінгаў (Масаляны)
• Сядзіба Біспінгаў (Масаляны) на сайце Radzima.org
• Сядзіба Біспінгаў (Масаляны) на сайце Глобус Беларусі (руск.)