Сядзіба Свяцкіх (Крупкі)
Сядзіба | |
Сядзіба Свяцкіх | |
---|---|
54°19′02,79″ пн. ш. 29°08′30,28″ у. д.HGЯO | |
Краіна | Беларусь |
Горад | Крупкі |
Архітэктурны стыль | Мадэрн |
Будаўніцтва | 1900 |
Сядзіба Свяцкіх — сядзіба, якая размешчана на вул. Савецкай у Крупках[1].
Гісторыя сядзібы
[правіць | правіць зыходнік]Сядзіба была пабудавана ў пачатку XX стагоддзя[1].
На канец 1980-х сядзібны дом выкарыстоўваўся ў якасці адміністрацыйнага будынка[1].
Планіроўка і размяшчэнне
[правіць | правіць зыходнік]Сядзіба размешчана непадалёку ад берага р. Бобр.
Сядзібны дом
[правіць | правіць зыходнік]Захаваўся двухпавярховы сядзібны дом у стылі мадэрн, пабудаваны з цэглы.
Дом характарызуецца складанай асіметрычнай аб'ёмна-прасторавай кампазіцыяй, выкарыстаннем вежаў у якасці архітэктурных дамінантаў[2]. Асабняк накрыты вальмавым дахам[1].
Цэнтральная частка бакавога левага фасада аформлена ў выглядзе вежы, завершанай купалам складанай формы на васьмігранным светлавым барабане. Сцены члянёны паясамі русту. Аконныя праёмы разнастайныя па форме (прамавугольныя, круглыя, квадратныя, авальныя, лучковыя), аздоблены ліштвамі[1]. Цэнтральны ўваход з боку галоўнага фасада вылучаны неглыбокім рызалітам, які завершаны атыкам. Уваходная частка бакавога правага фасада будынка фланкіравана 2 невялічкімі вежамі. Планіроўка мяшаная[1].
Паверхі злучаюць 3 розныя па афармленні лесвічныя вузлы. Балясіны цэнтральнай лесвіцы (чыгуннае ліццё) упрыгожаны геаметрычным арнаментам[1].
Парк
[правіць | правіць зыходнік]Вакол сядзібы захаваліся рэшткі парка[1].
Зноскі
Літаратура
[правіць | правіць зыходнік]- Старинные усадьбы Минского края / А. Т. Федорук ; [Под общ. рук. и предисл. Е.Будинаса]. — Мн.: ООО "Полифакт" : ООО "Лекция", 2000. — 415 с. — (Старинные усадьбы Беларуси). — 500 экз. — ISBN 985-6107-24-5.
Спасылкі
[правіць | правіць зыходнік]- Сядзіба Свяцкіх (Крупкі) на сайце Radzima.org
- Сядзіба Свяцкіх (Крупкі) на сайце Глобус Беларусі (руск.)