Сядзіба Хлюдзінскіх (Антавіль)

Славутасць
Сядзіба Хлюдзінскіх
Краіна	Беларусь
Месцазнаходжанне	Антавіль
Дата скасавання	XX стагоддзе

Сядзіба Хлюдзінскіх — колішняя сядзіба ў в. Антавіль Аршанскага раёна Беларусі. Сядзіба не захавалася. Месца сядзібы адзначана мемарыяльным крыжам і памятнай шыльдай.

Гісторыя

3 пачатку XIX ст. маёнтак Антавіль належаў Хлюдзінскім. 29 кастрычніка 1833 г. у сям’і Ігната і Клемянціны Хлюдзінскіх нарадзілася дачка Цаліна, якая заснавала ў 1891 годзе жаночы манаскі ордэн (кангрэгацыю) Уваскрэсення Хрыста (Сясцёр Змёртвыхпаўтання Пана нашага Езуса Хрыста). У пачатку XX ст. знаходзіўся ў Мошкаўскай воласці Аршанскага павета і належаў К. Дадэрку. У гады савецкай улады была разбурана.

У пачатку XXI ст. на месцы былой сядзібы сёстры кангрэгацыі ўсталявалі мемарыяльны крыж з памятнай шыльдай, дзе на польскай і беларускай мовах змешчана інфармацыя пра бласлаўлёную Цаліну.

Літаратура

• Півавар М. В. Антавіль // Сядзібы Віцебшчыны. — Мн.: БелЭн, 2020. — 256 с. — ISBN 978-985-11-1202-5.