Сядзібна-паркавы ансамбль Наркевічаў-Ёдкаў (Лапушна)
| Славутасць | |
| Сядзібна-паркавы ансамбль Наркевічаў-Ёдкаў | |
|---|---|
| 53°29′43,28″ пн. ш. 25°42′09,75″ у. д.HGЯO | |
| Краіна |
 Беларусь |
| Вёска | |
| Архітэктурны стыль | ампір |
| Дата пабудовы | XIX стагоддзе |
 |
|
Сядзібна-паркавы ансамбль Наркевічаў-Ёдкаў — колішняя сядзіба ў в. Лапушна (Дзятлаўскі раён), існавала ў XIX — першай палове XX ст.
Архітэктура[правіць | правіць зыходнік]
Мураваны аднапавярховы прамавугольны ў плане будынак, пастаўлены на высокі цокаль, быў накрыты вальмавым гонтавым дахам. Меў рысы стылю ампір. Сцены (гладкая тынкоўка чаргуецца з гарызантальным рустам) завершаны антаблементам з плоскім фрызам і карнізам на дэнтыкулах. Прамавугольныя вокны завяршаліся трохвугольнымі і лучковымі франтончыкамі, плоскімі сандрыкамі. Цэнтральную частку галоўнага фасада вылучаў манументальны шасцікалонны порцік дарычнага ордара з антаблементам (плоская абака, фрыз з трыгліфамі, карніз на дэнтыкулах) і трохвугольным франтонам з паўцыркульным акном у тымпане. На паркавым фасадзе слупавая галерэя з аднасхільным пакрыццём. Порцік галоўнага і галерэя паркавага фасадаў мелі тэрасы, агароджаныя балюстрадамі. Планіроўка анфіладная з параднай залай у цэнтры.
Літаратура[правіць | правіць зыходнік]
- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
Спасылкі[правіць | правіць зыходнік]
На Вікісховішчы пакуль няма медыяфайлаў па тэме, але Вы можаце загрузіць іх- Сядзібна-паркавы ансамбль Наркевічаў-Ёдкаў (Лапушна) на сайце Radzima.org
- Сядзібна-паркавы ансамбль Наркевічаў-Ёдкаў (Лапушна) на сайце Глобус Беларусі (руск.)
