Сяргей Хрыстафоравіч Будыка

Сяргей Хрыстафоравіч Будыка
Дата нараджэння	17 сакавіка 1909(1909-03-17)
Месца нараджэння	Краснадар, Кубанская вобласць[d], Расійская імперыя
Дата смерці	7 сакавіка 1988(1988-03-07) (78 гадоў)
Грамадзянства	БССР
Род дзейнасці	вучоны
Навуковая сфера	гідраўліка, гідралогія
Месца працы	Беларускі дзяржаўны тэхналагічны ўніверсітэт Інстытут лесу НАНБ[d]
Навуковая ступень	доктар тэхнічных навук
Навуковае званне	, прафесар
Альма-матар	Паволжскі лесатэхнічны інстытут імя М. Горкага[d] (1934)
Узнагароды і прэміі

Сяргей Хрыстафоравіч Буды́ка (17 сакавіка 1909, г. Краснадар — 7 сакавіка 1988) — беларускі савецкі вучоны ў галіне гідраўлікі і інжынернай гідралогіі. Член-карэспандэнт АН БССР (1972), доктар тэхнічных навук (1959), прафесар (1960). Заслужаны дзеяч навукі і тэхнікі БССР (1977).

Біяграфія

У 1934 годзе скончыў Паволжскі лесатэхнічны інстытут(руск.) бел. у Іашкар-Але. У 1945—1950 гг. і з 1956 года загадчык кафедры Беларускага лесатэхнічнага інстытута. У 1950—1956 гг. загадчык аддзела гідралесамеліярацыі Інстытута лесу АН БССР. У 1959—1963 гг. прарэктар Беларускага тэхналагічнага інстытута. У 1959—1980 гг. старшыня Навуковага савета па праблеме Палесся пры АН БССР.

Навуковая дзейнасць

Навуковыя працы па гідратэхнічнай меліярацыі Палесся, інжынернай гідралогіі і рачной гідраўліцы, водным транспарце лесу. Пад яго кіраўніцтвам вывучаны ўплыў лясістасці(руск.) бел. басейнаў на сцёк рэк і яго размеркаванне, дзеянне затапленняў і падтапленняў, якiя ствараюцца вадасховішчамі, на рост лесу. З 1970 года галоўны рэдактар ​​зборніка «Праблемы Палесся».

Асноўныя працы

Аўтар больш за 80 прац.

• Гидротехнические мелиорации лесных земель. — Мн., 1967 (совм. с И. К. Блинцовым).
• Водный транспорт леса и механизация лесосплавных работ. — Мн., 1970 (совм. с Г. А. Манухиным, А. Н. Пименовым).
• Вопросы комплексной мелиорации земель в Белорусском Полесье // Мелиорация земель Полесья и охрана окружающей среды. — Мн., 1977. Вып. 1.
• Белорусское Полесье: проблемы, перспективы. — Мн., 1982.

Узнагароды

Узнагароджаны ордэнам «Знак Пашаны» (1979), медалямі.

Літаратура

• Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн.: БелЭн, 1996. — 511 с.: іл. ISBN 985-11-0068-4 (т. 3), ISBN 985-11-0035-8 — С. 317.

Спасылкі

• Сяргей Хрыстафоравіч Будыка у базе дадзеных "История белорусской науки в лицах" Цэнтральнай навуковай бібліятэкі імя Якуба Коласа НАН Беларусі (руск.)