Транспартная развязка
| Транспартная развязка | |
|---|---|
 | |
 Медыяфайлы на Вікісховішчы |
Тра́нспартная развя́зка[1] — інжынернае збудаванне (комплекс збудаванняў) на скрыжаваннях і прымыканнях аўтамабільных дарог, якое ўключае адзін або некалькі пуцеправодаў і сістэму злучальных адгалінаванняў і забяспечвае бесперабойны рух транспартных сродкаў у розных напрамках.
Транспартныя развязкі будуюцца ў двух або больш узроўнях[1]. Калі дарогі перасякаюцца ў адным узроўні, звычайна ў гэтым месцы робяць кальцавое разгалінаванне.
Асноўныя элементы транспартных развязак[2]:
- праезныя часткі дарог у межах развязкі;
- злучальныя адгалінаванні (з’езды развязак) для забеспячэння злучэння праезных частак перасякальных дарог і забеспячэння магчымасці ажыццяўлення ўезду на праезныя часткі і выезду з іх;
- прымыканні да праезных частак дарог з палосамі разгону;
- адгалінаванні ад галоўных праезных частак дарог з палосам тармажэння перад злучальнымі адгалінаваннямі;
- скразныя размеркавальныя праезды для аддзялення транзітнага патоку транспартных сродкаў ад патоку транспартных сродкаў, якія ўязджаюць на злучальныя адгалінаванні і выязджаюць з іх;
- прыпыначныя палосы;
- штучныя збудаванні (пуцеправод, тунэль, насып, выемка і іншыя[1]);
- тэхнічныя сродкі арганізацыі дарожнага руху (дарожныя знакі, разметка, агароджы і іншыя)[2].
Мяжой транспартнай развязкі з’яўляецца перасячэнне, перпендыкулярнае галоўнай праезнай частцы і праходзіць праз найбольш аддалены элемент развязкі[2].
Адрозніваюць наступныя транспартныя развязкі:
- поўная — забяспечвае неперарыўны рух без перасячэння траекторый транспартных сродкаў;
- няпоўная — на асобных участках развязкі маюцца перасячэнні ў адным узроўні ці адсутнічае магчымасць павароту ў адным з напрамкаў.
Крыніцы
[правіць | правіць зыходнік]Літаратура
[правіць | правіць зыходнік]- Багдановіч С. В. Тра́нспартная развя́зка // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 509—510. — 10 000 экз. — ISBN 985-11-0035-8. — ISBN 985-11-0251-2 (т. 15).
- Тра́нспортная развя́зка / Поляков М. П. // Т. 26. Тихоходки — Ульяново. — М. : Советская энциклопедия, 1977. — С. 158. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
- Транспортные развязки. Основы проектирования. Учебно-методическое пособие для студентов специальности 1-70 03 01 «Автомобильные дороги» (руск.) / И. К. Яцевич, Е. И. Кононова; БНТУ, кафедра «Автомобильные дороги». — Мн.: БНТУ, 2019. — 149 с. (руск.)
- ПНСТ 270—2018. Дороги автомобильные общего пользования. Транспортные развязки. Правила проектирования. (руск.)
Спасылкі
[правіць | правіць зыходнік]- «Передавай привет своему навигатору»: сложнейшая автомобильная развязка в Китае (руск.) // iXBT.com
