Трэнчынскі ўніверсітэт Аляксандра Дубчака
| Трэнчынскі ўніверсітэт Аляксандра Дубчака | |
|---|---|
| Trenčianska univerzita Alexandra Dubčeka | |
 | |
 | |
| Арыгінальная назва | Trenčianska univerzita Alexandra Dubčeka |
| Заснаваны | 1997 |
| Размяшчэнне | Трэнчын |
| Сайт | tnuni.sk |
Трэнчынскі ўніверсітэт Аляксандра Дубчака — славацкая дзяржаўная вышэйшая навучальная ўстанова са статусам універсітэта і з сядзібай у Трэнчыне.
Агульная характарыстыка[правіць | правіць зыходнік]
Установа названа ў гонар чэхаславацкага дзяржаўнага і грамадскага дзеяча Аляксандра Дубчака і надае вышэйшую адукацыю ўніверсітэцкага тыпу на 4 факультэтах. Яна забяспечвае адукацыю па шырокім спектры навуковых дысцыплін, арыентаваных на інжынерную справу, тэхналогіі, менеджмент, ахову здароўя і паліталогію на ўсіх узроўнях адукацыі. Напрамкі навучання ва ўніверсітэце таксама арыентаваныя на гуму, тэкстыль і металы, звязаныя з кіраваннем прамысловымі сістэмамі, базавымі тэхналогіямі вытворчасці ў матэрыялазнаўстве, а таксама ў сферы прамысловага і тэкстыльнага дызайну і праектавання, уключаючы навукова-даследчую дзейнасць у галіне эксперыментальнай ацэнкі фізіка-механічных і хімічных уласцівасцяў матэрыялаў, колькаснага аналізу і тэхналагічных працэсаў. Часткай адукацыі ўніверсітэта з’яўляецца таксама падрыхтоўка медыцынскіх кадраў для аказання сястрынскай дапамогі і развіцця сястрынскай практыкі па ўсіх яе напрамках, уключаючы лабараторныя метады даследавання з выкарыстаннем найноўшых сістэм, а таксама самастойнае ажыццяўленне мерапрыемстваў у галіне медыцынскай рэабілітацыі, курорталогіі і фізіятэрапіі.
Структура[правіць | правіць зыходнік]
- Факультэт прамысловых тэхналогій
- Факультэт сацыяльна-эканамічных адносін
- Факультэт аховы здароўя
- Факультэт спецыяльных тэхналогій
- Цэнтр кампетэнцый па шкле
- Агульнаўніверсітэцкая кафедра паліталогіі
Спасылкі[правіць | правіць зыходнік]
На Вікісховішчы пакуль няма медыяфайлаў па тэме, але Вы можаце загрузіць іх- Афіцыйная інтэрнэт-старонка ўстановы
