Уладзімір Іванавіч Слаўкоў

Уладзімір Іванавіч Слаўкоў
Дата нараджэння	9 мая 1926(1926-05-09)
Месца нараджэння	Курск, Курская губерня, РСФСР, СССР
Дата смерці	1995
Тэатр	Гомельскі абласны драматычны тэатр
Узнагароды

Уладзімір Іванавіч Слаўкоў (9 мая 1926, г. Курск, РСФСР — 1995) — беларускі акцёр. Заслужаны артыст Беларускай ССР (1967).

Біяграфія

Працаваў у розных тэатрах краіны. У 1964—1969 у Гомельскім абласным драматычным тэатры.

Творчасць

Акцёр героіка-драматычнага плана. Творчасці ўласцівы яркі знешні малюнак ролі, сацыяльная завостранасць, рамантычная прыўзнятасць. Найбольш значныя ролі ў Гомельскім тэатры: Яраш («Сэрца на далоні» паводле І. Шамякіна), Торчыкаў («Заглянуць у калодзеж» Я. Волчака), Прохар Громаў («Угрум-рака» паводле В. Шышкова), Еўдакімаў («104 старонкі пра каханне» Э. Радзінскага), Раман Кошкін («Любоў Яравая» К. Транёва), Чарлз Касл («Зорка Галівуда» К. Одэтса).

Літаратура

• Слаўкоў Уладзімір Іванавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — 512 с. — 10 000 экз. — ISBN 985-11-0035-8. — ISBN 985-11-0238-5 (т. 14).