Уладзімір Мікалаевіч Краж

Уладзімір Мікалаевіч Краж
Уладзімір Мікалаевіч Краж
Дата нараджэння	24 жніўня 1932
Месца нараджэння	Лазава, Лазаўскі раён, Харкаўская вобласць, УССР, СССР;
Дата смерці	27 сакавіка 2016 (83 гады)
Месца працы	спартыўна-педагагічны факультэт спартыўных гульняў і адзінаборстваў БДУФК;
Навуковая ступень	кандыдат педагагічных навук
Навуковае званне	прафесар;
Альма-матар	Харкаўскі нацыянальны педагагічны ўніверсітэт імя Скаварады;
Член у	Беларуская інжынерная акадэмія;
Узнагароды	; ганаровы знак «За заслугі ў развіцці фізічнай культуры і спорту»[d]

Уладзімір Мікалаевіч Краж (24 жніўня 1932, Лазава, Харкаўская вобласць, Украіна — 27 сакавіка 2016) — беларускі педагог, спецыяліст у галіне тэорыі і методыкі фізічнага выхавання, спартыўнай трэніроўкі. Кандыдат педагагічных навук (1970), прафесар (1991). Акадэмік Беларускай інжынернай акадэміі (1999), член міжнароднай асацыяцыі «Sport Kinetics» (1993).

Біяграфія[правіць | правіць зыходнік]

Скончыў Харкаўскі дзяржаўны педагагічны інстытут імя Р. С. Скаварады (спецыяльнасць «Фізічнае выхаванне, анатомія і фізіялогія чалавека», 1956), Дзяржаўны цэнтральны інстытут фізічнай культуры (аспірантура, 1969).

Працаваў у ДЮСШ г. Палтавы (1957—1958), Беларускім дзяржаўным універсітэце фізічнай культуры (з 1970, спартыўна-педагагічны факультэт спартыўных гульняў і адзінаборстваў, кафедра тэорыі і методыкі фізічнага выхавання і спорту, прафесар, у 1984—1993 — загадчык кафедры).

Навуковыя інтарэсы: кінематыка многазвенавых рухальных дзеянняў чалавека; даследаванне пераносу трэніраванасці ў працэсе спартыўнай трэніроўкі; заканамернасці спартыўнай падрыхтоўкі; фізічнае і духоўнае аздараўленне нацыі сродкамі фізічнай культуры і спорту ў антагенезе ва ўмовах постіндустрыяльнага грамадства і ўступлення ў эпоху інфармацыйнага развіцця.

Узнагароды[правіць | правіць зыходнік]

Ганаровыя граматы ЦК УКП(б), ЦК КП(б) Украіны, ЦК УЛКСМ, ЦК ЛКСМ Украіны (1954), нагрудныя значкі «Выдатнік фізічнай культуры і спорту» (1974), «За отличные успехи в работе» Міністэрства вышэйшай і сярэдняй адукацыі СССР (1985), «За заслугі ў развіцці фізічнай культуры і спорту» (1987), «Выдатнік адукацыі Рэспублікі Беларусь» (1997), «За развіццё фізічнай культуры і спорту ў Республіцы Беларусь» (2007, 2012), медаль «Ветэран працы» (1987) і інш.

Бібліяграфія[правіць | правіць зыходнік]

Исследование динамики переноса тренированности в процессе тренировки : автореферат диссертации … кандидата педагогических наук : 734 / В. Н. Кряж. — Москва, 1969.

Зноскі

Літаратура[правіць | правіць зыходнік]

Кряж Владимир Николаевич // Кто есть кто в Республике Беларусь. Спорт : энциклопедия. — Минск, 1999. — С. 123.