Уладзімір Мікалаевіч Мудрогін
| Уладзімір Мікалаевіч Мудрогін | |
|---|---|
| Дата нараджэння | 24 снежня 1924 |
| Месца нараджэння | |
| Дата смерці | 28 лістапада 1994 (69 гадоў) |
| Род дзейнасці | мастак |
| Месца працы | |
Уладзімір Мікалаевіч Мудрогін (24 снежня 1924, Санкт-Пецярбург — 28 лістапада 1994) – беларускі мастак.
Біяграфія[правіць | правіць зыходнік]
Скончыў Цэнтральную эксперыментальную студыю мастацкага праетавання пры Саюзе мастакоў СССР ў Маскве (1970 г.). У 1952 – 1965 гг. мастак Брэсцкага абласнога драматычнага тэатра, у 1970 – 1980 гг. галоўны мастак Інстытута тэхнічнай кібернетыкі Акадэміі навук БССР.
Творчасць[правіць | правіць зыходнік]
Аформіў спектаклі «Жаніцьба Бальзамінава» (1957 г.), «Позняе каханне» (1963 г.) А. Астроўскага, «Блудны сын» Э. Ранета (1958 г.), «Два клёны» Я. Шварца (1960 г.), «Асцярожна, Мякішавы» А. Маўзона, «Сокалы і крумкачы» А. Сумбатава (абодва 1963 г.), «Мараль пані Дульскай» Г. Запольскай (1964 г.),«Шануй бацьку свайго» В. Лаўрэнцьева (1965 г.) і іншае. Аўтар жывапісных твораў «Восеньскае святло» (1966 г.),«Узбярэжжа» (1971 г.),«У грыбы» (1974 г.), «Пейзаж. У выхадны» (1976 г.), «На рацэ Свіслач» (1979 г.),«Вечар» (1981 г.),«Светлы дзень» (1983 г.),«Ружовая раніца», калажаў і інш. Творам уласцівы манументальнасць, пластычны малюнак, завершанасць кампазіцыі.
Зноскі
Літаратура[правіць | правіць зыходнік]
- Мудрогін Уладзімір Мікалаевіч // Беларуская энцыклапедыя: У 18 тамах / Беларуская энцыклапедыя; Рэдкалегія: Г.П.Пашкоў (галоўны рэдактар) [і інш.]. Том 11: Мугір – паліклініка. – Мн.: Беларуская энцыклапедыя, 2000. – С. 6.