Уладзімір Рыгоравіч Залатагораў

Уладзімір Рыгоравіч Залатагораў
Дата нараджэння	30 мая 1931(1931-05-30) (93 гады)
Месца нараджэння	Стараюр’ева, Стараюр’еўскі сельсавет[d], Стараюр’еўскі раён[d], Цэнтральна-Чарназёмная вобласць[d], РСФСР, СССР
Грамадзянства	СССР  Беларусь
Род дзейнасці	навуковец, выкладчык універсітэта
Навуковая сфера	эканоміка
Месца працы	Беларускі тэхналагічны інстытут імя С. М. Кірава
Навуковая ступень	кандыдат эканамічных навук (1966)
Навуковае званне	прафесар (1991)
Альма-матар	Ленінградская лесатэхнічная акадэмія (1954)

Уладзімір Рыгоравіч Залатагораў (нар. 30 мая 1931, с. Стараюр’ева, Тамбоўская вобласць, РСФСР) — савецкі і беларускі эканаміст. Кандыдат эканамічных навук (1966), прафесар (1991).

Біяграфія

Скончыў Ленінградскую лесатэхнічную акадэмію (інжынерна-эканамічны факультэт, 1954; аспірантура, 1965).

Працаваў на прадпрыемствах Ленінградскага дзяржаўнага лесанарыхтоўчага трэста («Ленлес», 1954—1961), у Беларускім дзяржаўным тэхналагічным універсітэце (з 1965, прафесар кафедры кіравання і арганізацыі вытворчасці, у 1996—1997 — загадчык кафедры, з 1997 — прафесар кафедры эканомікі і кіравання на прадпрыемствах хіміка-ляснога комплексу, у 1997—1998 і 2002 — загадчык кафедры).

Навуковыя інтарэсы: эканоміка лясной прамысловасці; праблемы сацыяльна-эканамічнай эфектыўнасці прамысловай вытворчасці, капітальных укладанняў і новай тэхнікі; інвестыцыйны менеджмент.

Бібліяграфія

• Исследование сравнительной экономической эффективности трелевочных тракторов : автореферат диссертации … кандидата экономических наук / В. Г. Золотогоров. — Ленинград, 1966.

Літаратура

• Залатагораў Уладзімір Рыгоравіч // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — С. 508. — 10 000 экз. — ISBN 985-11-0035-8. — ISBN 985-11-0106-0 (т. 6).
• Золотогоров Владимир Григорьевич // Кто есть кто в Республике Беларусь, 2001. — Минск, 2001. — Т. 1. — С. 61.
• Золотогоров Владимир Григорьевич // Кто есть кто в Республике Беларусь. Деловой мир СНГ. — Минск, 2006. — С. 144.
• Залатагораў Уладзімір Рыгоравіч // Хто ёсць хто ў БДТУ / [Беларускі дзяржаўны тэхналагічны універсітэт]. — Мінск, 2004. — С. 107.
• Кафедра управления и организации производства // Белорусский государственный технологический университет, 1930—1995. — Минск, 1996. — С. 169—175. — В содержании о Золотогорове В. Г.