Усе мышы любяць цырк
| Усе мышы любяць цырк | |
|---|---|
| Жанр | дзіцячы музычны спектакль |
| Аўтар | Вераніка Буслаева |
| Кампазітар | Аляксандра Грахоўская |
| Дырыжор | Вераніка Аляксандраўна Буслаева |
| Рэжысёр | Вераніка Буслаева |
| Кампанія | РТБД |
| Працягласць | 60 хв. |
| Краіна | Беларусь |
| Мова | беларуская |
| Год | 2014 |
«Усе мышы любяць цырк» — дзіцячы музычны спектакль, пастаўлены ў Рэспубліканскім тэатры беларускай драматургіі рэжысёрам Веранікай Буслаевай.[1]
Прэм'ера адбылася 23 снежня 2014.
Гісторыя стварэння[правіць | правіць зыходнік]
«Усе мышы любяць цырк» — рэжысёрскі дэбют актрысы РТБД Веранікі Буслаевай, якая таксама ёсць аўтарам сцэнарыя. У якасці рэжысёра Вераніка Буслаева выступіла з прапановы мастацкага кіраўніка Рэспубліканскага тэатра беларускай драматургіі Аляксандра Гарцуева, ужо маючы рэжысёрскі досвед па-за РТБД, збольшага ў якасці рэжысёра антрэпрызных дзіцячых спектакляў. Распавядаючы аб працы над спектаклем, аўтар згадвае сваё захапленне рэпрызамі Вячаслава Палуніна.[2]
Сюжэт[правіць | правіць зыходнік]
У закінутай грымёрцы старога цырку пасяліліся мышаняты, якія пасябравалі з лятучай мышшу, што жыла на гарышчы цырку. Аднак грымёрка прыйшлася даспадобы і двум пацукам. Сюжэт разгортваецца вакол таго, ці атрымаецца ў мышанятаў адваяваць свой нядаўна прыдбаны дом, а таксама выканаць даўнюю мару — стаць цыркавымі акцёрамі.[3]
Сцэнічныя рашэнні[правіць | правіць зыходнік]
У якасці дэкарацыяў выкарыстоўваецца шмат цыркавой атрыбутыкі. У спектаклі, апрача спеваў, танцаў і чытання вершаў, выконваецца шмат цыркавых трукаў.[2]
Творчы склад[правіць | правіць зыходнік]
- Вераніка Буслаева — рэжысёр-пастаноўшчык, аўтар сцэнарыя
- Аляксандра Грахоўская — кампазітар
- Марына Алекна — мастак-пастаноўшчык
- Вацлаў Валадзько — перакладчык
Дзеючыя асобы і выканаўцы[правіць | правіць зыходнік]
- Малыш — Максім Шышко, Ілля Ясінскі
- Шустрык — Дзмітрый Давідовіч, Арцём Курэнь
- Мыша — Марына Здаранкова, Ганна Семяняка
- Лятучая — Гражына Быкава, Надзея Цвяткова
- Пацук — Мікіта Залатар, Мікалай Стонька, Марат Вайцяховіч
- Пацучыха — Анастасія Баброва, Марыя Пятровіч
Зноскі
- ↑ Старонка спектакля на сайце РТБД(недаступная спасылка). Архівавана з першакрыніцы 1 чэрвеня 2015. Праверана 13 жніўня 2015.
- ↑ а б Почему мыши любят цирк.
- ↑ Невероятная история про силу искусства: детский новогодний спектакль «Усе мышы любяць цырк».