ФК Полацк
| Полацк | |
|---|---|
 | |
| Заснаваны | 2004 |
| Расфарміраваны | 2013 |
| Горад | Полацк, Беларусь |
| Стадыён |
«Спартак» Умяшчальнасць: 5000 |
| Прэзідэнт | Уладзімір Арэстаў |
| Галоўны трэнер | Яраслаў Камарыцкі (в.а.) |
| Чэмпіянат | Першая ліга |
| 2013 |
 16 месца |
ФК Полацк — былы беларускі футбольны клуб з горада Полацк.
Гісторыя[правіць | правіць зыходнік]
У 1994—1996 у Трэцяй лізе выступаў полацкі клуб «Будаўнік», але ў сезоне 1996 ён быў выключаны з лігі і спыніў існаванне.
У 2004 быў заснаваны новы клуб — «Полацк», які праз два гады атрымаў месца ў Першай лізе.
2013[правіць | правіць зыходнік]
У пачатку сезону 2013 каманда адразу апынулася ў ніжняй палове табліцы. І калі спачатку полацкі клуб стабільна атрымліваў ачкі (у 4-м туры быў пераможаны будучы чэмпіён Першай лігі «Слуцк»), то пасля каманда апынулася ў зоне вылету.
У гэты ж час вельмі пагоршылася фінансавая сітуацыя ў клубе, з-за чаго «Полацк» пакінулі амаль усе ігракі і галоўны трэнер Аляксандр Трайдук, паставіўшы пад сумнеў далейшае выступленне ў Першай лізе. У выніку было выло вырашана ствараць новую каманду на аснове клуба «Полацкгаз», які выступаў у чэмпіянаце Віцебскай вобласці. На пасаду галоўнага трэнера быў запрошаны вядомы спецыяліст Вячаслаў Акшаеў[1]. Але гэтыя планы не былі рэалізаваны, і ў выніку ў канцы жніўня «Полацк» зняўся з чэмпіянату[2].
Але трохі пазней было вырашана, што «Полацк» усё ж працягне ўдзел у Першай лізе[3]. Новая каманда была ўтворана галоўным чынам з футбалістаў «Полацкгаза», якія адначасова працягвалі выступаць у чэмпіянаце вобласці. Вячаслаў Акшаеў так і не стаў галоўным трэнерам, выканаўцам абавязкаў стаў ігрок новага складу Яраслаў Камарыцкі[4]. Новы аматарскі склад правёў у другой палове турніру 15 сустрэч, і ва ўсіх атрымаў паражэнні. У выніку «Полацк» заняў апошні радок і вылецеў з Першай лігі.
У сезоне 2014 «Полацк» не стаў удзельнічаць у Другой лізе. Футбалісты, якія выступалі за клуб у другой палове 2013 года, у большасці працягнулі гуляць у чэмпіянаце Віцебскай вобласці за «Полацкгаз», а футбольны клуб «Полацк» спыніў існаванне.
Папярэднія назвы[правіць | правіць зыходнік]
- 1994—1995: «Будаўнік»
- 1996: «Спартак»
- 1996: «Будаўнік»
- 2004—2013: «Полацк»
Дасягненні[правіць | правіць зыходнік]
- Лепшае дасягненне ў Першай лізе — 6 месца (2006)
Статыстыка выступленняў[правіць | правіць зыходнік]
Чэмпіянат і Кубак Беларусі[правіць | правіць зыходнік]
| Сезон | Ліга | М | Г | В | Н | П | Галы | Ачкі | Кубак | Заўвагі |
|---|---|---|---|---|---|---|---|---|---|---|
| 1994–95 | Трэцяя - Б (Д3) | 12 | 22 | 3 | 3 | 16 | 18–55 | 9 | ||
| 1995 | Трэцяя - Б (Д3) | 13 | 12 | 0 | 2 | 10 | 8–42 | 2 | ||
| 1996 | Трэцяя - Б (Д3) | Зняты пасля 10-га тура, усе матчы ануляваны | ||||||||
| 2004 | Другая (Д3) | 10 | 24 | 5 | 8 | 11 | 22–33 | 23 | 1/32 фінала | |
| 2005 | Другая (Д3) | 5 | 26 | 14 | 5 | 7 | 47–31 | 47 | 1/8 фінала | Атрыманне месца ў Першай лізе |
| 2006 | Першая (Д2) | 6 | 26 | 11 | 4 | 11 | 36–41 | 37 | 1/8 фінала | |
| 2007 | Першая (Д2) | 11 | 26 | 6 | 5 | 15 | 26–49 | 23 | 1/32 фінала | |
| 2008 | Першая (Д2) | 12 | 26 | 6 | 5 | 15 | 20–36 | 23 | 1/32 фінала | |
| 2009 | Першая (Д2) | 12 | 26 | 6 | 4 | 16 | 29–46 | 22 | 1/8 фінала | |
| 2010 | Першая (Д2) | 7 | 30 | 9 | 12 | 9 | 38–34 | 39 | 1/16 фінала | |
| 2011 | Першая (Д2) | 10 | 30 | 9 | 8 | 13 | 36–39 | 35 | 1/16 фінала | |
| 2012 | Першая (Д2) | 12 | 28 | 7 | 5 | 16 | 24–55 | 26 | 1/16 фінала | |
| 2013 | Першая (Д2) | 16 | 30 | 2 | 4 | 24 | 10–92 | 10 | 1/8 фінала | Вылет у Другую лігу, спыненне існавання |
Зноскі
Спасылкі[правіць | правіць зыходнік]
- Профіль на сайце weltfussballarchiv.com (англ.)
- Профіль на сайце wildstat.ru (руск.)
- Профіль на сайце teams.by (руск.)
- Профіль на сайце goals.by (руск.)