Феадосій Пячэрскі

Феадосій Пячэрскі
Прападобны Феадосій Пячэрскі з жыціем у 14 клеймаў (абраз XVII ст.)
Дата нараджэння	1029
Месца нараджэння	Васылькіў, Кіеўская Русь
Дата смерці	3 мая 1074
Месца смерці	Кіеў, Кіеўская Русь
Месца пахавання	Кіева-Пячэрская лаўра
Шануецца	у праваслаўнай царкве
У ліку	прападобны
Галоўная святыня	мошчы ў Кіева-Пячэрскай лаўры
Дзень памяці	16 мая, 27 жніўня, 10 верасня, 15 верасня
Працы	6 павучанняў, 2 пасланні да вялікага князя Ізяслава
Падзвіжніцтва	аскетызм, цудатворства, заснаванне Кіева-Пячэрскай лаўры
Медыяфайлы на Вікісховішчы

Феадосій Пячэрскі (каля 1008, Васількоў пад Кіевам, цяпер Украіна — 3 мая 1074) — старажытнарускі пісьменнік і царкоўны дзеяч; адзін з заснавальнікаў Кіева-Пячэрскай лаўры.

З 1057 года ігумен Кіева-Пячэрскага манастыра. Упершыню на Русі ўвёў статут супольнага жыцця манастыра. Аўтарства Феадосія Пячэрскага лічыцца ўстаноўленым для 11 пісьмовых помнікаў: 2 пасланні да князя Ізяслава Яраславіча, 8 «слоў» і «павучанняў» манахам і малітва. Прапаведаваў асновы хрысціянскай маралі. Творы Феадосія Пячэрскага вядомыя ў рускім і паўднёва-славянскім спісах, самыя старажытныя з іх адносяцца да XIII—XV ст. Звесткі пра Феадосія Пячэрскага ў «Жыціі… Феадосія» (1080-я) і ў «Аповесці мінулых гадоў».

Літаратура

• Феадосій Пячэрскі // Беларуская энцыклапедыя: У 18 тамах / Беларуская энцыклапедыя; Рэдкалегія: Г. П. Пашкоў (галоўны рэдактар) і іншыя. Том 16: Трыпалі — хвіліна. — Мн.: «Беларуская энцыклапедыя», 2003. — С. 341.

Спасылкі

• На Вікісховішчы ёсць медыяфайлы па тэме Феадосій Пячэрскі