Фрыдрых VI Швабскі

Фрыдрых VI Швабскі ням.: Friedrich VI von Schwaben
Фрыдрых, герцаг Швабіі. Частка сярэдневяковай мініяцюры ў «Хроніцы Вельфаў».
герцаг Швабіі
1170 — 1191
Папярэднік	Фрыдрых V
Пераемнік	Конрад II
Дзейнасць	арыстакрат
Нараджэнне	16 красавіка 1167 Modigliana[d], правінцыя Фарлі-Чэзена, Эмілія-Раманья
Смерць	20 студзеня 1191 (23 гады) Ака
Пахаванне	Ака
Дынастыя	Род Гогенштаўфенаў
Імя пры нараджэнні	Конрад
Бацька	Фрыдрых I Барбароса
Маці	Беатрыс I

Фрыдрых VI Швабскі (ням.: Friedrich VI von Schwaben) ці Фрыдрых VI фон Гогенштаўфен (ням.: Friedrich VI von Schwaben; 16 красавіка 1167, Мадыльяна, Італія — 20 студзеня 1191, Ака) — герцаг Швабіі з 1169 года, трэці сын Фрыдрыха Барбаросы і Беатрыс I Бургундскай.

Біяграфія

Пры нараджэнні атрымаў імя Конрад. Але ў 1169 годзе памёр пяцігадовы Фрыдрых V, старэйшы сын імператара Фрыдрыха Барбаросы, які насіў тытул герцага Швабіі. У 1170 годзе імператар перадаў тытул герцага Швабіі свайму трэцяму сыну, які атрымаў пры гэтым імя Фрыдрых.

20 мая 1184 года Фрыдрых у час святкавання ў Майнцы імператарскім дваром Тройцы быў разам са сваім старэйшым братам Генрыхам прысвечаны ў рыцары.

27 сакавіка 1188 года Фрыдрых абавязаўся разам з бацькам прыняць удзел у Трэцім крыжовым паходзе. 11 мая 1189 года ён разам з арміяй крыжакоў выступіў з Рэгенсбурга. Па дарозе ў Венгрыі ён заручыўся з Канстанцыяй (1177—1240), дачкой венгерскага караля Белы III.

Пасля гібелі 10 чэрвеня 1190 года яго бацькі, імператара Фрыдрыха Барбаросы, які патануў у рацэ Салеф, Фрыдрых прыняў камандаванне германскай арміяй крыжакоў. Хоць большая частка крыжакоў пакінула яго армію і адплыла праз Антыёхію на радзіму, Фрыдрых з астатняй арміяй выступіў у кірунку да Іерусаліма. У Трыпалі шматлікія крыжакі захварэлі на малярыю, з-за чаго армія Фрыдрыха яшчэ больш скарацілася. У пачатку кастрычніка 1190 года ён прыбыў да абложанага горада Ака (Акра), дзе і памёр 20 студзеня 1191 года ад малярыі. Пасля яго смерці рэшткі германскіх крыжакоў пакінулі Святую зямлю.

Гл. таксама

• Трэці крыжовы паход
• Аблога Акры, 1189–1191

Літаратура

• Engels, Odilo. Die Staufer. — Stuttgart, Berlin, Köln: W. Kohlhammer, 1972. — P. 94, 108. — ISBN 3-17-015157-6.
• Schwarzmeier H. Friedrich V., Herzog von Schwaben // Lexikon des Mittelalters, Bd. 4, Sp. 960f.

Спасылкі

• Фридрих V, герцог швабский // Энциклопедический словарь Брокгауза и Ефрона: В 86 томах (82 т. и 4 доп.) (руск.) . — СПб., 1890—1907.
• Friedrich VI. Herzog von Schwaben (1170—1191) (ням.) . Genealogie des Mittelalters. Архівавана з першакрыніцы 5 снежня 2008. Праверана 13 снежня 2012.