Фрэдэрык Сміт

Фрэдэрык Сміт
англ.: Frederic Smith
Дата нараджэння	30 снежня 1805(1805-12-30)
Месца нараджэння	Лондан, Англія, Злучанае каралеўства Вялікабрытаніі і Ірландыі
Дата смерці	16 лютага 1879(1879-02-16) (73 гады)
Месца пахавання	Finchley[d]
Грамадзянства	Злучанае каралеўства Вялікабрытаніі і Ірландыі
Дзеці	Edgar Albert Smith[d]
Род дзейнасці	энтамолаг, батанік, мірмеколаг, навуковы калекцыянер, заолаг
Навуковая сфера	энтамалогія
Месца працы	Брытанскі музей
Член у	Royal Entomological Society[d] ()
Медыяфайлы на Вікісховішчы

Сістэматык жывой прыроды
Даследчык, які апісаў шэраг заалагічных таксонаў. Для ўказання аўтарства, назвы гэтых таксонаў суправаджаюць абазначэннем «F. Smith».

Фрэдэрык Сміт (англ.: Frederic Smith, 30 снежня 1805—16 лютага 1879) — англійскі энтамолаг і мірмеколаг.

Біяграфія

Быў гравёрам на медзі, а затым стаў займацца сістэматыкай і біялогіяй перапончатакрылых насякомых, якія водзяцца пераважна ў Англіі. Лічыцца адным з лепшых знаўцаў гэтых насякомых; усе табліцы ў яго шматлікіх працах выкананы ім ўласнаручна. З 1850 года і да канца жыцця Сміт быў асістэнтам пры Аддзяленні Заалогіі ў Брытанскім музеі.

У 1862-1863 гадах быў прэзідэнтам лонданскага «Таварыства энтамалогіі» (Entomological Society of London), з якога пазней паўстала «Каралеўскае энтамалагічнае таварыства Лондана» («Royal Entomological Society of London»).

Важнейшыя працы

• «Catalogue of Hymenopterous Insects in the Coll. of the British Museum» (Лондан, 1853—1859, 7 т.)
• «Nomenclature of Coleopterous Insects», Band 5 (1851), Band 6 (1852)
• «Catalogue of British Hymenoptera in the Coll. of the Br. M. Apidae-Bees, fossorial Hymenoptera Formicidae and Vespidae» (л., 1855 і 1858)
• «Notes on Hymenoptera» (1863—1870)

Мурашкі

Сміт апісаў шмат новых для навукі відаў і родаў мурашак, каля назваў якіх дагэтуль стаіць яго імя F.Smith. Усяго ім апісана больш за 350 новых для навукі відаў мурашак, сярод якіх:

• 80 відаў роду Polyrhachis
• 58 відаў роду Camponotus
• 24 віды роду Pseudomyrmex
• 22 віды роду Crematogaster
• 27 відаў роду Pheidole

Спіс новых родаў

У 1852—1860 гадах Ф. Сміт вылучыў каля 20 новых родаў мурашак, у тым ліку:

• 1852 — Tetraponera
• 1853 — Cataulacus, Orectognathus і інш.
• 1857 — Cerapachys, Echinopla, Polyrhachis
• 1858 — Ectatomma, Paraponera, Pachycondyla
• 1859 — Podomyrma
• 1860 — Oecophylla, Strumigenys і інш.