Фёдар Васілевіч Аляшкевіч

З пляцоўкі Вікіпедыя
Фёдар Васілевіч Аляшкевіч
Дата нараджэння 5 мая 1936(1936-05-05)
Месца нараджэння
Дата смерці 29 снежня 2008(2008-12-29) (72 гады)
Род дзейнасці нейрахірург, урач, выкладчык універсітэта
Навуковая сфера чэрапна-мазгавая траўма, пухліна галаўнога мозгу[d] і эпілепсія
Месца працы
Навуковая ступень доктар медыцынскіх навук[1] (1973)
Навуковае званне
Альма-матар
Вядомыя вучні Аляксандр Сяргеевіч Фядулаў[d]
Узнагароды
Выдатнік аховы здароўя СССР

Фёдар Васілевіч Аляшкевіч (5 мая 1936, в. Балотца, Навагрудскі павет — 29 снежня 2008) — беларускі нейрахірург. Акадэмік Нацыянальнай акадэміі навук Беларусі (1996; чл.-кар. з 1994), доктар медыцынскіх навук (1973), прафесар (1980). 

Біяграфія[правіць | правіць зыходнік]

Нарадзіўся 5 мая 1936 года ў в. Балотца Навагрудскага павета (цяпер — Навагрудскі раён, Гродзенская вобласць).

Скончыў Шчорсаўскую сярэднюю школу[2]. У 1959 годзе скончыў Мінскі медыцынскі інстытут. У 1959—1961 гг. — загадчык хірургічнага аддзялення Суботніцкай участковай бальніцы, намеснік галоўнага лекара Іўеўскага раёна. З 1974 г. — дацэнт, прафесар, загадчык курсам нейрахірургіі Мінскага медінстытута, з 1989 г. — загадчык кафедры, з 2007 г. — прафесар Беларускага дзяржаўнага медыцынскага ўніверсітэта. У 1980—2000 гг. — галоўны нейрахірург Міністэрства аховы здароўя Рэспублікі Беларусь. У 2000—2004 гг. — член Савета Рэспублікі Нацыянальнага сходу Рэспублікі Беларусь другога склікання.

Навуковыя даследаванні прысвечаны сасудзістым парушэнням галаўнога мозгу, чэрапна-мазгавым траўмам, пухлінам галаўнога мозгу, эпілепсіі, болевым сіндромам. Распрацаваў і ўжыў новы метад лячэння артэрыяльнай спазмы мазгавых сасудаў — мясцовае ўздзеянне навакаінаміду на сасуды мозгу. Упершыню вывучыў ролю і значэнне перакіснага акіслення ліпідаў пры чэрапна-мазгавой траўме.

Памёр 29 снежня 2008 года.

Асноўныя працы[правіць | правіць зыходнік]

  • Травма нервной системы. Мн., 1988.

Зноскі

Літаратура[правіць | правіць зыходнік]

  • Беларуская энцыклапедыя. У 18 т. Т. 1. — Мінск, 1996.
  • Национальная академия наук Беларуси : персональный состав, 1928—2015. — Минск, 2016.
  • Национальная Академия наук Беларуси : персональный состав, 1928—2008 гг. — Минск, 2008.

Спасылкі[правіць | правіць зыходнік]