Фізаліс перуанскі — травяністы хмызняк вышынёй 0,9—1,6 м з сэрцападобным аксаміцістым зубчастым лісцем да 6—15 см даўжынёй і да 4—10 см шырынёй. Кветкі званочкападобныя жоўтыя з пяццю цёмнымі фіялетава-карычневымі плямамі і барвова-зялёнай валасатай чашачкам. Плод — сферычная ягада 1,25—2 см дыяметрам, з гладкай глянцавай памяранцава-жоўтай скуркай і сакавітай мякаццю, якая змяшчае шматлікія маленькія жаўтлявыя зернейкі. Саспелыя плады маюць салодкі смак з прыемным вінаградным прысмакам.
