Фелікс Язэпавіч Янушкевіч

З пляцоўкі Вікіпедыя
(Пасля перасылкі з Ф. Янушкевіч)
Jump to navigation Jump to search
Фелікс Язэпавіч Янушкевіч
Дата нараджэння: 30 мая 1954(1954-05-30) (65 гадоў)
Месца нараджэння:
Род дзейнасці: мастак
Вучоба:

Фелікс Язэпавіч Янушкевіч (нар. 30 мая 1954, м. Ракаў, Валожынскі раён Мінскай вобл.) — беларускі жывапісец.

Біяграфічныя звесткі[правіць | правіць зыходнік]

Брат В. Янушкевіча і Я. Янушкевіча. Скончыў у 1972 годзе Рэспубліканскую школу-інтэрнат па музыцы і выяўленчым мастацтве, у 1978 - Беларускі тэатральна-мастацкі інстытут, а таксама ў 1984 годзе творчыя майстэрні АМ СССР у Мінску.

Жанаты з Наталляй Янушкевіч (1996), мае дачку Вікторыю і сына Валяр'яна.

Творчасць[правіць | правіць зыходнік]

Працуе ў розных жанрах станковага жывапісу. Сярод твораў: «Роздум. А. Пашкевіч (Цётка)», «У вырай» (абодва 1976), «Натхненне. Максім Багдановіч» (1981), «Я. Купала і Б. Тарашкевіч. Лазенкі. Варшава, 1927 год» (1982), «А. Свентарэцкі, В. Дунін-Марцінкевіч і М. Грушвіцкі на месцы збору інсургентаў Мінскага павета» (1983), «Сталь» (1984), «Паўстанне» (1992), «Тата, я запаліў святло», «Гэй славяне, гэй Улане (Партрэт бацькі)» (абодва 1993). Аўтар трыпціхаў «Кастусь Каліноўскі» (1978), «Лёс Рагнеды, або Сцяна Памяці» (1986); поліпціха «Слава Мікалаю Гусоўскаму» (1980); серый «Гульні дзяцей Беларусі» (1980), «Камунары Беларусі» (1983), «У партызанскім краі» (1984), «Дзе мой край?» (1985—86).

Творы вызначаюцца глыбокім пранікненнем у сутнасць гістарычных падзей, метафарычнасцю вобразнага ладу, эмацыянальнасцю колеравага вырашэння, кампазіцыйнай ураўнаважанасцю.

Зноскі

Літаратура[правіць | правіць зыходнік]

  • Салавей Л. Янушкевіч // Беларуская энцыклапедыя: У 18 т. Т.18 Кн.1: Дадатак: Шчытнікі — ЯЯ / Рэдкал.: Г. П. Пашкоў і інш. — Мн.: БелЭн, 2004. — Т. 18. — С. 277. — 472 с. — 10 000 экз. — ISBN 985-11-0295-4 (Т. 18 Кн. 1).
  • Тараканава М. Прыняў мінулае як спадчыну: Мастацтва Фелікса Янушкевіча / М. Тараканава // Роднае слова. — 2004. — № 5. — с. 57-58.