Хайнц Мак

Хайнц Мак
Дата нараджэння	8 сакавіка 1931(1931-03-08)[…] (93 гады)
Месца нараджэння	Лолар[d], раён Гісен, адміністрацыйная акруга Гісен[d], Гесэн, Германія
Грамадзянства	Германія
Род дзейнасці	скульптар, мастак, мастак-гравёр, фатограф, графік, kinetic artist, рысавальнік
Жанр	абстракцыянізм
Вучоба	Дзюсельдорфская акадэмія мастацтваў
Мастацкі кірунак	абстракцыянізм
Член у	ZERO[d]
Узнагароды	прэмія Адольфа Грымэ[d] (1970)
Медыяфайлы на Вікісховішчы

Хайнц Мак (ням.: Heinz Mack; нар. 8 сакавіка 1931, Лолар, Германія) — мастак нямецкага паходжання, прадстаўнік оп-арта і кінетычнага мастацтва.

Біяграфія і творчасць

Хайнц Мак нарадзіўся 8 сакавіка 1931 года ў горадзе Лолары ў нямецкай зямлі Гесэн. У 1949 годзе ён пераехаў у Дзюсельдорф, дзе вывучаў жывапіс у Дзяржаўнай мастацкай акадэміі з 1950 па 1953 гады. Хайнц Мак таксама атрымаў ступень па філасофіі ва Універсітэце Кёльна ў 1956 годзе, у тым жа годзе пачаў вывучаць праблемы руху і святла. З 1956 па 1958 гады мастак распрацоўваў светлавыя рэльефы і светлавыя кінетычныя канструкцыі — работы, зробленыя з паліраванага металу, які вібраваў і адлюстроўваў колеры асяроддзя.

Хайнц Мак распрацаваў тэорыю «дынамічных структур», якую ўпершыню прадставіў у 1958 годзе ў падобным на маніфест эсэ «Die Ruhe der Unruhe» («Спакой неспакою»), апублікаваным у першым выпуску часопіса «Zero».

Першая персанальная выстаўка мастака прайшла ў Галерэі Шмела ў Дзюсельдорфе ў 1957 годзе. У 1957—1958 гадах разам з Ота Пінэ стварыў групу «Зеро», у якую ўвайшлі Гюнтэр Юкер, Іў Кляйн, Жан Тэнглі і іншыя.