Царква Святога прарока Ільі (Велямічы)
| Праваслаўны храм | |
| Ільінская царква | |
|---|---|
.jpg) Ільінская царква | |
| 52°01′13,16″ пн. ш. 27°14′32,83″ у. д.HGЯO | |
| Краіна |
 Беларусь |
| Месцазнаходжанне | |
| Канфесія | Беларуская праваслаўная царква |
| Епархія | Пінская і Лунінецкая епархія |
| Архітэктурны стыль | драўлянае дойлідства з элементамі барока |
| Будаўніцтва | 1881 |
| Статус |
 Гісторыка-культурная каштоўнасць Беларусі, шыфр 112Г000678 |
 |
|
 Медыяфайлы на Вікісховішчы | |
Веляміцкая Ільінская царква — праваслаўны храм у вёсцы Велямічы, Столінскага раёна. Пабудавана ў 1881 годзе на месцы царквы 1724 года пабудовы.
Архітэктура
[правіць | правіць зыходнік]Квадратны ў плане асноўны аб'ём, бабінец і пяцігранная алтарная апсіда з дзвюма невялікімі рызніцамі абапал алтару ўтвараюць трохзрубную глыбінна-прасторавую кампазіцыю. Асноўны аб'ём пры дапамозе парусаў пераходзіць у двух'ярусны верх (васьмярык на чацверыку), апсіда і бабінец увянчаныя васьміграннымі вярхамі з гранёнымі барочнымі купалкамі складанай формы. У 1888 г. да асноўнага аб'ёму далучаныя бакавыя прыбудовы з васьмерыковымі вярхамі. У выніку царква атрымала пяцікупальную крыжова-цэнтрычную кампазіцыю[1].
Сцены вертыкальна ашаляваныя, умацаваныя лапаткамі, вокны прастакутныя (у апсідзе ў форме крыжа). З боку галоўнага фасаду тры тамбуры ўваходаў у бабінец і бакавыя прыбудовы накрытыя двухсхільнымі дахамі з франтонамі. Цэнтральнае месца ў інтэр'еры займае галоўны трох'ярусны аб'ём, злучаны шырокімі праёмамі з двух'ярусным бабінцам, апсідай і бакавымі прыбудовамі[1].
Значэнне
[правіць | правіць зыходнік]Помнік драўлянага дойлідства з рысамі стылю барока, гістарычна-культурная каштоўнасць 2-й катэгорыі. Царква адлюстравала традыцыі мясцовай школы дойлідства барочнага кірунку канца XVIII ст. — 2-й паловы XIX ст[1]. Царква дзейнічае[1].
Рэканструкцыя
[правіць | правіць зыходнік]У 2009 годзе ў выніку рэканструкцыі храма адбылося знішчэнне барокавых купалаў на вежах і каваных чатырохканцовых крыжоў з заменай іх пазалачонымі цыбулепадобнымі купаламі і васьміканцовымі крыжамі[2][3].
Зноскі
- ↑ а б в г Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
- ↑ Топ-5 старадаўніх храмаў, якія пацярпелі ад рэстаўрацыі Архівавана 13 сакавіка 2016.
- ↑ Царква Святога прарока Ільі (Велямічы) на сайце Radzima.org
Літаратура
[правіць | правіць зыходнік]- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
Спасылкі
[правіць | правіць зыходнік]
- Царква Святога прарока Ільі (Велямічы) на сайце Radzima.org
- Царква Святога прарока Ільі (Велямічы) на сайце Глобус Беларусі (руск.)
- Царква Святога прарока Ільі (Велямічы) на сайце «Архіварта»