Царква Святой Ефрасінні Полацкай (Саўт-Рывер)

Славутасць
Царква Святой Ефрасінні Полацкай
40°26′25″ пн. ш. 74°21′55″ з. д.
Краіна	ЗША
Месцазнаходжанне	Саўт-Рывер
Канфесія	Канстанцінопальская праваслаўная царква
Епархія	Амерыканская карпатаруская праваслаўная епархія
Дата заснавання	1953
Медыяфайлы на Вікісховішчы

Царква Святой Ефрасінні Полацкай — праваслаўны храм у горадзе Саўт-Рывер, штат Нью-Джэрсі, ЗША. Настаяцель царквы, станам на кастрычнік 2025 года — вялебны айцец Міхаіл Псенечнюк. Прыход у юрысдыкцыі Канстанцінопальскага патрыярхата. Асвечана ў імя святой Ефрасінні Полацкай.

Гісторыя

У пачатку 1950-х гадоў з лагераў для перамешчаных асоб у Рэгенсбургу, Міхельсдорфе і Бакнангу (Германія) у Саўт-Рывер перасялілася некалькі дзясяткаў беларускіх эмігрантаў. У 1951 годзе яны абралі парафіяльны савет і першым яго пробашчам айца Мікалая Лапіцкага. Парафія адслужыла першае набажэнства на другім паверсе Конклінскай метадысцкай царквы, якой вялебны Нэльсан Мур дазволіў карыстацца. Парафія стала членам Грэчаскай праваслаўнай архідыяцэзіі Паўночнай і Паўднёвай Амерыкі. У 1953 годзе парафія купіла былую сінагогу на праспекце Уайтхед і пераўтварыла яе ў праваслаўную царкву. Акрамя таго, царква набыла кавалак зямлі на Хілсайд-авеню пад парафіяльныя могілкі.

У 1974 годзе на кургане за Беларускай праваслаўнай царквой Святой Ефрасінні ўсталявалі помнік «Змагарам за вольную Беларусь» з афіцыйнай пячаткай Беларускай цэнтральнай рады на адным баку стэлы і надпісам: «Слава змагарам за вольную Беларусь». Стэла ўвенчана роўнаканцовым лапчатым крыжам, у круглым сяродкрыжжы якога змешчаны меншы васьміканцовы крыж, які адначасова сімвалізуе крыж святой Еўфрасінні і ёсць цэнтральнай фігурай сярэднявечнага герба «Пагоня».

Гл. таксама

• Могілкі праваслаўнай царквы Святой Ефрасінні