Царква Святой Ефрасінні Полацкай (Саўт-Рывер)
| Славутасць | |
| Царква Святой Ефрасінні Полацкай | |
|---|---|
 | |
| 40°26′25″ пн. ш. 74°21′55″ з. д.HGЯO | |
| Краіна |
 ЗША |
| Месцазнаходжанне | |
| Канфесія | Канстанцінопальская праваслаўная царква |
| Епархія | Амерыканская карпата-русінская праваслаўная епархія |
| Дата заснавання | 1951 |
| Будаўніцтва | 1972 |
| Сайт | steuphrosynianj.info |
 |
|
 Медыяфайлы на Вікісховішчы | |
Царква Святой Ефрасінні Полацкай — праваслаўны храм у горадзе Саўт-Рывер, штат Нью-Джэрсі, ЗША. Настаяцель царквы станам на студзень 2026 года — айцец Канстанцін Гаўрылкін[1]. Прыход у юрысдыкцыі Канстанцінопальскага патрыярхата[2]. Асвечана ў імя святой Ефрасінні Полацкай.
Гісторыя
[правіць | правіць зыходнік]У пачатку 1950-х гадоў з лагераў для перамешчаных асоб у Рэгенсбургу, Міхельсдорфе і Бакнангу (Германія) у Саўт-Рывер перасялілася некалькі дзясяткаў беларускіх эмігрантаў. У 1951 годзе яны абралі парафіяльны савет і першага настаяцеля айца Мікалая Лапіцкага.
Першыя набажэнствы адбываліся на другім паверсе Конклінскай метадысцкай царквы, якой прападобны Нэльсан Мур дазволіў карыстацца. Парафія стала членам Грэчаскай праваслаўнай архідыяцэзіі Паўночнай і Паўднёвай Амерыкі[3].
У верасні 1952 года парафія набыла дзялянку зямлі на Хілсайд-авеню для будаўніцтва новай царквы. Адбылося ўрачыстае пасвячэнне — працэсія з крыжам і харугвамі прайшла вуліцамі горада. Але будаўніцтва царквы ў гэтым месцы не адбылося — нехта з парафіян памёр і было пастаноўлена пахаваць яго на нованабытай дзялянцы. Такім чынам тут з’явіліся парафіяльныя могілкі[4][4].
Летам 1953 года парафія купіла былую сінагогу на Уайтхед-авеню 187 і пераўтварыла яе ў праваслаўную царкву. Царква была асвечана 14 кастрычніка 1953 года архіепіскапам Міхаілам[3][4].
З ростам колькасці парафіян стала відавочна, што будынак былой сінагогі не адпавядае патрэбам абшчыны. У выніку шматгадовай працы настаяцеля айца Мікалая Лапіцкага і парафіяльнага савета ў 1968 годзе ўлады горада Саўт-Рывер выдзелілі прыходу вялікі незабудаваны зямельны ўчастак у паўднёвай частцы Уайтхед-авеню. За кошт ахвяраванняў і з удзелам валанцёраў былі пабудаваныя храм, зала грамадска-культурнага цэнтра і дом настаяцеля. 30 ліпеня 1972 года царква і грамадска-культурны цэнтр былі асвечаны епіскапам Філафеем[3][4][4].
У 1974 годзе на кургане за Беларускай праваслаўнай царквой Святой Ефрасінні ўсталявалі помнік «Змагарам за вольную Беларусь» з афіцыйнай пячаткай Беларускай цэнтральнай рады на адным баку стэлы і надпісам: «Слава змагарам за вольную Беларусь». Стэла ўвенчана роўнаканцовым лапчатым крыжам, у круглым сяродкрыжжы якога змешчаны меншы васьміканцовы крыж, які адначасова крыж святой Еўфрасінні і цэнтральная фігура герба «Пагоня».
Гл. таксама
[правіць | правіць зыходнік]Крыніцы
[правіць | правіць зыходнік]- ↑ Clergy and Staff (англ.). St. Euphrosynia Orthodox Church. Праверана 5 студзеня 2026.
- ↑ Беларускія Каляды адсвяткавалі ў амерыканскім Саўт-Рыверы + фота . Наша Ніва (9 студзеня 2013). Праверана 5 студзеня 2026.
- ↑ а б в History of the St. Euphrosynia Belarusian Orthodox Church Архівавана 21 ліпеня 2022.
- ↑ а б в г д Лапіцкі 2005.
Літаратура
[правіць | правіць зыходнік]- Мікалай Лапіцкі. У служэньні Богу й Беларусі / Укладаньне, прадмова й камэнтары Юрыя Гарбінскага. Уступнае слова Вітаўта Кіпеля. — Нью-Ёрк — Варшава: БІНІМ, Інстытут славістыкі Польскай акадэміі навук, 2005. — 672 с.
