Ціцідзіма

Ціцідзіма
	яп. 父島
	; Бераг
Характарыстыкі
Плошча	23,8 км²
Насельніцтва	2 400 чал.
Шчыльнасць насельніцтва	100,84 чал./км²
Размяшчэнне
	27°04′10″ пн. ш. 142°12′49″ у. д.HGЯO
Акваторыя	Ціхі акіян
Краіна	Японія;
	Ціцідзіма
Медыяфайлы на Вікісховішчы

Ціцідзіма (яп.: 父島, літаральна «бацькоўскі востраў») — найбуйнейшы востраў у групе астравоў Агасавара. Уваходзіць у склад Японіі. Тэрыторыя — 23,8 км². Насельніцтва (2005 г.) — 2400 чал.

Геаграфія і прырода[правіць | правіць зыходнік]

Ціцідзіма ўваходзіць у цэнтральную падгрупу Ціцідзіма архіпелага Агасавара. Даўжыня — 7,8 км. Найбольшая шырыня — 5,1 км. Мае вулканічнае паходжанне. Сфарміраваны больш за 30 млн гадоў таму, пераважна базальтамі. Найвышэйшы пункт — 308 м.

Клімат вільготны субтрапічны. Самы прахалодны месяц — люты, калі сярэдняя тэмпература вагаецца ад +16 °C да +19 °C. У жніўні сярэдняя тэмпература — ад +26 °C да +29 °C. Сярэднегадавая колькасць ападкаў — 1554 мм. У летні сезон здараюцца частыя тайфуны.

На Ціцідзіме часткова захаваліся першародныя лясы. Тут гняздуюць птушкі. Навакольныя воды лічацца выдатным месцам для назірання за кітамі і дэльфіінамі.

Гісторыя[правіць | правіць зыходнік]

Востраў Ціцідзіма быў адкрыты і ўпершыню апісаны брытанскай навуковай экспедыцыяй 1827 г. Аднак маецца верагоднасць таго, што ён быў вядомы іспанскім і японскім мараплаўцам ужо ў XVI ст. У 1830 г. па ініцыятыве брытанскага консула на Гаваях выхадцы з Гавайскіх астравоў, Еўропы і ЗША заснавалі на ім паселішча.

У 1861 г. Японія абвясціла аб далучэнні вострава да сваіх тэрыторый, аднак канчатковы пераход Ціцідзімы ў юрысдыкцыю гэтай краіны адбыўся толькі ў 1876 г. У 1882 г. астравіцяне гавайскага і еўрапейскага паходжання атрымалі статус грамадзян Японіі. Акрамя таго, на востраве з’явіліся японскія перасяленцы з астравоў Ідзу.

У гады II Сусветнай вайны цывільнае насельніцтва было пераселена ў Японію. На Ціцідзіме размяшчаўся буйны ваенны гарнізон (каля 25 000 салдат). У 1944—1945 гг. востраў бамбіла амерыканская авіяцыя. У 1946—1968 гг. знаходзіўся пад кантролем ВМФ ЗША. З дазволу амерыканцаў сюды вярнуліся астравіцяне гавайскага і еўрапейскага паходжання.

З 1968 г. зноў пад кантролем урада Японіі. У 1972 г. на астравах Агасавара быў арганізаваны нацыянальны парк, цэнтр якога знаходзіцца на востраве Ціцідзіма.

Інфраструктура[правіць | правіць зыходнік]

На востраве Ціцідзіма жыве большасць насельніцтва астравоў Агасавара. Галоўны порт Нішымаці звязаны паромнай пераправай з Токіа. Востраў з’яўляецца цэнтрам экалагічнага турызму. На ім дзейнічаюць метэаралагічная станцыя, астранамічная станцыя, навуковы цэнтр.

Спасылкі[правіць | правіць зыходнік]