Чжукайгоу

Культура Чжукайгоу, кіт.: 朱開溝文化, Zhukaigou (2200-1500 гг. да н. э.) — археалагічная культура позняга неаліту і ранняга бронзавага веку, якая існавала на Ордаскім плато на тэрыторыі сучаснага кітайскага аўтаномнага раёна Унутраная Манголія. Тыпавы помнік, Чжукайгоу (хашун Эцзінь, аймак Алашань, Унутраная Манголія) быў раскапаны ў 1977-1984 гг.

Археолагі падзяляюць развіццё дадзенай культуры на пяць стадый, адпаведных позняй стадыі культуры Луншань, ранняй, сярэдняй і позняй стадыі культуры Эрлітоу і ранняй стадыі культуры Эрліган. На ранніх стадыях на дадзеную культуру паўплывала культура Луншань, на сярэдняй стадыі — культура Цыцзя; менавіта ў гэты перыяд у матэрыяльнай культуры пачынаюць з'яўляцца бронзавыя артэфакты. На апошняй стадыі культуры Чжукайгоу ранейшая практыка прынясення ў ахвяру авечак і свіней была паступова заменена на прынясенне ў ахвяру сабак.

Літаратура

• Linduff, Katheryn M., Zhukaigou, steppe culture and the rise of Chinese civilization. Antiquity 69 (262, March 1995): 133—145.