Шампіньён

Шампіньён
Шампіньён звычайны
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Падклас:  Agaricomycetidae Парадак:  Агарыкальныя Сямейства:  Шампіньёнавыя Род:  Шампіньён
Міжнародная навуковая назва
Agaricus L. 1753
Сістэматыка на Віківідах Выявы на Вікісховішчы NCBI   5340 EOL   16518 MB   17030

Шампіньён, Пячурыца (Agaricus) — род шапкавых базідыяльных грыбоў сямейства шампіньёнавых.

Апісанне

Шапка пукатая, потым распасцёртая, шаўкавістая, гладкая або лускаватая, мясістая, дыяметрам ад 3 да 25 см. Пласцінкі свабодныя, напачатку белыя, потым цямнеюць. Паводле гэтай прыкметы шампіньёны адрозніваюць ад смяротна ядавітай бледнай паганкі, у якой споры, а таму і пласцінкі, застаюцца белымі. Мякаць белая, шчыльная, на зломе мяняе колер. Ножка цыліндрычная або булавападобная, шчыльная, рэдка рыхлая або полая, заўжды з кольцам ад пакрывала. Споры акруглыя, гладкія, светла-карычневыя, карычневыя.

Віды і экалогія

Налічваецца каля 60 відаў. Пашыраны ўсюды; на Беларусі 8 відаў, усе ядомыя. Найбольш вядомыя: шампіньён двухспоравы (Agaricus bisporus), шампіньён звычайны (Agaricus campestris), шампіньён лясны (Agaricus silvaticus), шампіньён палявы, або пячарка (Agaricus arvensis), шампіньён ядомы. Трапляюцца пераважна групамі з мая па верасень на ўрадлівай глебе ў лясах, садах, на лугах, палях, агародах.

Выкарыстанне

У прамысловых маштабах вырошчваюць шампіньён двухспоравы (Agaricus bisporus), у культуры каля 300 гадоў. 2 віды ядавітыя.

Літаратура

• Шампіньён // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).