Шыфра Шлёмаўна Нясвіжская-Аталеская

Шыфра Шлёмаўна Нясвіжская-Аталеская
Шыфра Шлёмаўна Нясвіжская-Аталеская
Дата нараджэння	26 лістапада 1897
Месца нараджэння	Мінск, Мінскі павет, Мінская губерня, Расійская імперыя;
Дата смерці	7 лютага 1981 (83 гады)
Грамадзянства	СССР;
Род дзейнасці	урач, тэрапеўт, галоўны ўрач, медыцынскі адміністратар
Месца працы	Смалявіцкая цэнтральная раённая бальніца[d]; Мінскі медыцынскі інстытут; Беларускі дзяржаўны інстытут удасканалення ўрачоў;
Навуковая ступень	доктар медыцынскіх навук (1957)
Навуковае званне	прафесар;
Альма-матар	2-і Маскоўскі дзяржаўны медыцынскі інстытут (1925);
Узнагароды	;

Шыфра Шлёмаўна Нясвіжская-Аталеская (26 лістапада 1897, Мінск — 7 лютага 1981) — беларуская тэрапеўт, доктар медыцынскіх навук (1957, кандыдат медыцынскіх навук 1940), прафесар (1962).

Біяграфія[правіць | правіць зыходнік]

Нарадзілася ў сям’і рабочага. Скончыла медыцынскі факультэт 2-га Маскоўскага ўніверсітэта ў 1925 г. З 1925 па 1928 год — урач Смалявіцкай раённай бальніцы, з 1928 па 1933 год — урач паліклінікі горада Мінска, па сумяшчальніцтве ардынатар кафедры факультэцкай тэрапіі Мінскага медінстытута, а затым да 1941 года — асістэнт гэтай жа кафедры, з 1941 па 1943 год — галоўны ўрач Кляўлінскай раённай бальніцы Куйбышаўскай вобласці; з 1943 па 1945 год — асістэнт Беларускага дзяржаўнага медыцынскага інстытута ў Яраслаўлі, затым — у Мінску. З 1945 года дацэнт кафедры факультэцкай тэрапіі Мінскага дзяржаўнага медыцынскага ўніверсітэта; з 1960 па 1969 год — загадчык 2-й кафедры тэрапіі Беларускага дзяржаўнага інстытута ўдасканалення ўрачоў. З 1969 года — пенсіянерка.

Навуковая дзейнасць[правіць | правіць зыходнік]

Асноўныя напрамкі навукова-даследчай працы прысвечаны вывучэнню паталогіі ўнутраных органаў (падстраўнікавай залозы, печані і інш.) пры склероме. Пад кіраўніцтвам Ш. Ш. Нясвіжскай абаронены 4 кандыдацкія дысертацыі. Аўтар каля 50 навуковых публікацый.

Узнагароды[правіць | правіць зыходнік]

Узнагароджана медалём «За доблесную працу ў Вялікай Айчыннай вайне 1941—1945 гг.», Ганаровай граматай Вярхоўнага Савета БССР (1967).

Зноскі

Літаратура[правіць | правіць зыходнік]

Нясвіжская-Аталеская Шыфра Шлёмаўна // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).

Спасылкі[правіць | правіць зыходнік]