Шапша Веніямінавіч Пікус
Шапша Веніямінавіч Пікус | |
---|---|
![]() | |
Дата нараджэння | 1908 |
Месца нараджэння | |
Дата смерці | 14 жніўня 1942 |
Месца смерці | |
Месца пахавання |
|
Род дзейнасці | мастак |
Вучоба | |
Член у |
Шапша Веніямінавіч Пікус (1908, м. Узда — 14 жніўня 1942, в. Бурмакіна, Масальскі раён, Смаленская вобласць) — беларускі мастак.
Біяграфія
[правіць | правіць зыходнік]Нарадзіўся ў 1908 годзе ў мястэчку Узда Мінскай губерні ў шматдзетнай яўрэйскай сям’і. Бацька Веніямін і маці Гінда да вайны жылі ва Уздзе, у пачатку вайны іх расстралялі нацысты. Старэйшы брат Майсей жыў у Баранавічах, яго вялікая сям’я загінула ў гета, за выключэннем аднаго сына, які ваяваў на фронце, быў цяжка паранены і застаўся інвалідам. Сярэдні брат Меер жыў са сваёй сям’ёй да і пасля вайны ў Мінску, працаваў у сістэме «Белкаапсаюза». Старэйшая сястра Шапшы Геня жыла да вайны і пасля са сваёй сям’ёй у Маскве. Сярэднія сёстры Галя і Рахіль памерлі падчас вайны ад хвароб у эвакуацыі. Малодшая сястра Іахавед удзельнічала ў вайне, была хірургам у адным з медсанбатаў.
Біяграфія Шапшы Пікуса вывучана недастаткова. Пасля заканчэння школы ён з’ехаў у Мінск. У сталіцы вывучыўся на мастака. Шмат працаваў. Займаўся афармленнем гарадскіх вуліц і плошчаў, вытворчых памяшканняў, удзельнічаў у выстаўках[1]. Член Беларускага саюза мастакоў з 1940 года[2].
У час Вялікай Айчыннай вайны прызваны Заводскім РВК г. Саратава. 11 жніўня 1942 года ў баях за вёску Бурмакіна Масальскага раёна Смаленскай вобласці чырвонаармеец Пікус атрымаў цяжкае раненне і праз тры дні, 14 жніўня 1942 года, памёр у шпіталі. Пахаваны 15 жніўня ў брацкай магіле за 1 км на поўдзень ад Бурмакіна[1][3].
Зноскі
- ↑ а б Осталась только похоронка
- ↑ Шалва Веніямінавіч Пікус // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішерс», 1998. — 663 с. — 3 000 экз. — ISBN 985-6427-09-6.
- ↑ ПИКУС Шапша Вениаминович // Книга памяти. Мосальский район Архівавана 12 чэрвеня 2021.
Літаратура
[правіць | правіць зыходнік]- Шалва Веніямінавіч Пікус // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішерс», 1998. — 663 с. — 3 000 экз. — ISBN 985-6427-09-6.
Спасылкі
[правіць | правіць зыходнік]- Нарадзіліся ў 1908 годзе
- Нарадзіліся ва Уздзе
- Памерлі 14 жніўня
- Памерлі ў 1942 годзе
- Памерлі ў Смаленскай вобласці
- Пахаваныя ў Калужскай вобласці
- Выпускнікі Віцебскага Народнага мастацкага вучылішча
- Члены Беларускага саюза мастакоў
- Асобы
- Мастакі паводле алфавіта
- Загінулі ў баях Вялікай Айчыннай вайны
- Памерлі ад ран
- Мастакі Беларусі
- Памерлі ў Калужскай вобласці
- Яўрэйскія мастакі