Шапша Веніямінавіч Пікус

Шапша Веніямінавіч Пікус
Шапша Веніямінавіч Пікус
Дата нараджэння	1908
Месца нараджэння	Узда, Ігуменскі павет, Мінская губерня, Расійская імперыя;
Дата смерці	14 жніўня 1942
Месца смерці	Бурмакіна[d], сельскае паселішча «Вёска Пасконь»[d], Масальскі раён, Смаленская вобласць, РСФСР, СССР;
Месца пахавання	Бурмакіна[d];
Род дзейнасці	мастак
Вучоба	Віцебскае народнае мастацкае вучылішча;
Член у	Беларускі саюз мастакоў;

Шапша Веніямінавіч Пікус (1908, м. Узда — 14 жніўня 1942, в. Бурмакіна, Масальскі раён, Смаленская вобласць) — беларускі мастак.

Біяграфія[правіць | правіць зыходнік]

Нарадзіўся ў 1908 годзе ў мястэчку Узда Мінскай губерні ў шматдзетнай яўрэйскай сям’і. Бацька Веніямін і маці Гінда да вайны жылі ва Уздзе, у пачатку вайны іх расстралялі нацысты. Старэйшы брат Майсей жыў у Баранавічах, яго вялікая сям’я загінула ў гета, за выключэннем аднаго сына, які ваяваў на фронце, быў цяжка паранены і застаўся інвалідам. Сярэдні брат Меер жыў са сваёй сям’ёй да і пасля вайны ў Мінску, працаваў у сістэме «Белкаапсаюза». Старэйшая сястра Шапшы Геня жыла да вайны і пасля са сваёй сям’ёй у Маскве. Сярэднія сёстры Галя і Рахіль памерлі падчас вайны ад хвароб у эвакуацыі. Малодшая сястра Іахавед удзельнічала ў вайне, была хірургам у адным з медсанбатаў.

Біяграфія Шапшы Пікуса вывучана недастаткова. Пасля заканчэння школы ён з’ехаў у Мінск. У сталіцы вывучыўся на мастака. Шмат працаваў. Займаўся афармленнем гарадскіх вуліц і плошчаў, вытворчых памяшканняў, удзельнічаў у выстаўках^[1]. Член Беларускага саюза мастакоў з 1940 года^[2].

У час Вялікай Айчыннай вайны прызваны Заводскім РВК г. Саратава. 11 жніўня 1942 года ў баях за вёску Бурмакіна Масальскага раёна Смаленскай вобласці чырвонаармеец Пікус атрымаў цяжкае раненне і праз тры дні, 14 жніўня 1942 года, памёр у шпіталі. Пахаваны 15 жніўня ў брацкай магіле за 1 км на поўдзень ад Бурмакіна^[1]^[3].

Зноскі

↑ ^а ^б Осталась только похоронка
↑ Шалва Веніямінавіч Пікус // Беларускі саюз мастакоў: энцыклапедычны даведнік / складальнік Б. А. Крэпак. — Мінск, 1998.
↑ ПИКУС Шапша Вениаминович // Книга памяти. Мосальский район Архівавана 12 чэрвеня 2021.

Літаратура[правіць | правіць зыходнік]

Шалва Веніямінавіч Пікус // Беларускі саюз мастакоў: энцыклапедычны даведнік / складальнік Б. А. Крэпак. — Мінск, 1998.

Спасылкі[правіць | правіць зыходнік]

[mishpoha-1] а ^б Осталась только похоронка

[БСМ-2] Шалва Веніямінавіч Пікус // Беларускі саюз мастакоў: энцыклапедычны даведнік / складальнік Б. А. Крэпак. — Мінск, 1998.

[pomnirod-3] ПИКУС Шапша Вениаминович // Книга памяти. Мосальский район Архівавана 12 чэрвеня 2021.

[1]

[2]

[3]