Эйфелевы мост (Унгень)
| Эйфелевы мост | |
|---|---|
 | |
| Каардынаты: 47°12′00″ пн. ш. 27°47′13″ у. д.HGЯO | |
| Афіцыйная назва | Podul Eiffel |
| Перасякае | р. Прут |
| Месца размяшчэння | Унгень (Малдова) → Ясы (Румынія) |
| Эксплуатацыя | |
| Канструктар, архітэктар | Аляксандр Густаў Эйфель |
| Адкрыццё | 1 жніўня 1874 года |
 Медыяфайлы на Вікісховішчы | |
Эйфелевы мост — мост праз раку Прут і кантрольна-прапускны пункт паміж Малдовай і Румыніяй. Мост размешчаны паміж горадам Унгень (Малдова) і камунай Унгень (Румынія).
Гісторыя[правіць | правіць зыходнік]
6 (18) мая 1872 года расійскі дыпламат Іван Аляксеевіч Зіноўеў і міністр замежных спраў Румыніі Георгій Костафору падпісалі пагадненне аб чыгуначных вузлах, якое было ратыфікавана 9 (21) студзеня 1873 года[1].
Чыгунка Ясы — Унгень была адчынена 1 жніўня 1874 года. У рамках падрыхтоўкі да руска-турэцкай вайны (1877—1878), Расійская імперыя ў 1871 годзе распачала будаўніцтва чыгункі Кішынёў — Карнешты — Унгены (будаўніцтва з 1871 па 1875 гады), якая і была адчынена 1 чэрвеня 1875 года. Унгенская мытня таксама была адкрыта ў 1875 годзе. Участак чыгункі Кішынёў — Карнешты быў адкрыты раней, яшчэ ў 1873 годзе.
У 1876 годзе пасля вясновай паводкі ракі Прут чыгуначны мост, які злучаў Бесарабію і Румынію быў амаль знішчаны. Кіраванне чыгунак запрасіла Гюстава Эйфеля ў Расію, каб перапраектоўваць і перабудаваць мост.
Мост быў адкрыты 9 (21) красавіка 1877 года, усяго за тры дні да пачатку руска-турэцкай вайны. 11 (23) красавіка 1877 года войскі Расіі ўвайшлі ў Румынію праз Унгень і на наступны дзень абвясцілі вайну Асманскай імперыі.
Праз дзесяць гадоў пасля будаўніцтва моста, Эйфель пачаў будаваць Эйфелеву вежу, якія падобная па стылі[2].
6 мая 1990 года мост быў месцам акцыі, вядомай як «Мост кветак» (рум.: Podul de flori)[3], непасрэдным эфектам якой было спрашчэнне пераходу граніцы паміж Румыніяй і Малдовай. У акцыі прыняло ўдзел каля 1200000 асоб. Сімвалічна, з абодвух бакоў маста, былі раскіданы кветкі, адкуль пайшла назва акцыі[4][5].
У чэрвені 1991 года, яшчэ да распаду СССР і атрымання незалежнасці Малдовы, дайшло да другой акцыі, названай «другім мастом кветак», якая прывяла да дагавора, згодна якім жыхары Малдовы маглі без дакументаў пераходзіць у Румынію.
У красавіку 2012 года, незадоўга да 135-годдзя моста, на пасяджэнні мясцовай рады малдоўскага горада Унгень было прапанавана афіцыйна назваць мост, які злучае Малдову і Румынію, «мастом Эйфеля» (рум.: Podul Eiffel)[6].
Зноскі
- ↑ Фредерик Келлог. Дорога к румынской независимости. 1995. С.84
- ↑ Lucia Bacalu:În topul celor mai importante atracţii turistice, Expresul, 2 красавіка 2012
- ↑ Марцін Каснкоўскі, Spotkania polsko-mołdawskie: Księga poświęcona pamięci Profesora Janusza Solaka, ст.157–158 Люблін, Episteme, isbn=978-83-62495-28-3}}
- ↑ Podul de flori (1990 - 1991), Istoria Moldovei, 2018-05-20}}
- ↑ Ce are în comun podul lui Eiffel din Ungheni cu evenimentele din 7 aprilie 2009], 19-4-2012, Expresul
- ↑ E oficial! Podul Eiffel — noua denumire a podului feroviar peste Prut din Ungheni|website=Expresul, 20-04-2012
Спасылкі[правіць | правіць зыходнік]
На Вікісховішчы ёсць медыяфайлы па тэме Эйфелевы мост (Унгень)
