Эліс Бакай

Эліс Бакай
Агульная інфармацыя
Поўнае імя	Эліс Фламур Бакай
Нарадзіўся	25 чэрвеня 1987(1987-06-25)[…] (37 гадоў) Тырана, Тырана, вобласць Тырана[d], Албанія
Грамадзянства	Албанія
Рост	175 см
Вага	68 кг
Пазіцыя	паўабаронца
Інфармацыя пра клуб
Клуб	завяршыў кар’еру
Маладзёжныя клубы
1996 Крысталі 1996—2002 Партызані (Тырана)
Клубная кар’ера
2002—2009 Партызані (Тырана) 136 (23) 2009—2011 Дынама (Тырана) 58 (30) 2011—2012 Дынама (Бухарэст) 27 (5) 2012 →  Чарнаморац (Адэса) 10 (3) 2012—2014 Чарнаморац (Адэса) 24 (6) 2014—2015 Тырана 27 (13) 2015 Хапаэль (Раанана) 1 (0) 2015—2016 Тырана 27 (14) 2016 Спліт 10 (1) 2017 Влазнія (Шкодэр) 14 (6) 2017—2018 Кукесі 20 (12) 2018—2019 Шахцёр (Салігорск) 49 (19) 2020 Дынама (Брэст) 4 (0) 2021 Рух Брэст 15 (2)
Нацыянальная зборная
2005 Албанія (да 19) 3 (0) 2005—2007 Албанія (да 21) 8 (2) 2007—2013 Албанія 27 (1)
Медыяфайлы на Вікісховішчы

Эліс Бакай (алб.: Elis Bakaj; нар. 25 чэрвеня 1987, Тырана, Албанія) — албанскі футбаліст, паўабаронца. Ігрок нацыянальнай зборнай Албаніі (2007—2013).

Клубная кар’ера

Пачаў займацца футболам у клубе «Крысталі», аднак хутка перабраўся ў «Партызані». У студзені 2002 года далучыўся да асноўнай каманды «Партызані», падпісаўшы сямігадовы кантракт, а на наступны год дэбютаваў за каманду ў Кубку Інтэртота. У канцы 2003 года гуляў за фарм-клуб «Нацыяналі» ў трэцім дывізіёне Албаніі. Пасля вяртання стаў часцей трапляць у склад.

У студзені 2009 года за 100 тысяч еўра перайшоў у тыранскае «Дынама», стаўшы найдаражэйшым іграком у гісторыі клуба. Дзякуючы добрым выступленням за клуб двойчы прызнаваўся іграком года ў Албаніі. У студзені 2011 года перайшоў у бухарэсцкае «Дынама», а ў лютым 2012 года стаў іграком адэскага «Чарнаморца». Трывала выступаў у складзе ўкраінскага клуба, гуляў у групавым раўндзе Лігі Еўропы, аднак у сакавіку 2014 года ў сувязі з пачаткам хваляванняў ва Украіне разам з іншымі легіянерамі пакінуў адэскі клуб. Вярнуўшыся на радзіму, не замацаваўся ў клубах «Кукесі» і «Скендэрбэў», пасля чаго ў ліпені 2014 года перайшоў у «Тырану», дзе паспяхова правёў два гады, за выключэннем жніўня 2015 года, калі кораткачасова быў іграком «Хапаэля» з Раананы.

У ліпені 2016 года падпісаў двухгадовы кантракт з харвацкім клубам «Спліт», аднак ужо ў лістападзе таго ж года пакінуў яго з-за фінансавых праблем. Вярнуўшыся ў Албанію, зноў стаў трэніравацца з «Тыранай», аднак з-за санкцый УЕФА, якая забараніла клубу рэгістраваць трансферы, так і не стаў іграком сталічнага клуба і пазней папоўніў склад шкодэрскай «Влазніі». У жніўні 2017 года ў якасці свабоднага агента перайшоў у склад дзеючага чэмпіёна Албаніі «Кукесі», дзе стаў адным з асноўных ігракоў, з 12 галамі ішоў найлепшым бамбардзірам чэмпіянату.

У сакавіку 2018 года перайшоў у беларускі клуб «Шахцёр» з Салігорска. У салігорскай камандзе стаў адным з лідараў. У снежні 2018 года падоўжыў кантракт з «Шахцёрам». У сезоне 2019 заставаўся адным з вядучых ігракоў каманды, толькі з кастрычніка з-за траўмы амаль не з’яўляўся на полі. У снежні 2019 года па заканчэнні кантракта пакінуў «Шахцёр».

У студзені 2020 года падпісаў двухгадовы кантракт з брэсцкім «Дынама». З-за траўмы прапусціў большую частку сезона 2020. У снежні 2020 года перайшоў у іншы брэсцкі клуб — «Рух», дзе пераважна выхадзіў на замену. У студзені 2022 года па заканчэнні кантракта пакінуў «Рух», пасля чаго завяршыў прафесійную кар’еру.

Міжнародная кар’ера

Выступаў за юніёрскую і моладзевую зборныя Албаніі.

21 лістапада 2007 года дэбютаваў у нацыянальнай зборнай Албаніі ў адборачным матчы чэмпіянату Еўропы 2008 супраць Румыніі (1:6), выйшаўшы на замену ў другім тайме.

Дасягненні

• 01 Чэмпіён Албаніі: 2009/10
• 02 Срэбраны прызёр чэмпіянату Албаніі: 2007/08
• 03 Бронзавы прызёр чэмпіянату Албаніі: 2008/09
• Уладальнік Кубка Албаніі: 2004
• Футбаліст года ў Албаніі (2): 2009, 2010
• 02 Срэбраны прызёр чэмпіянату Беларусі: 2018
• 03 Бронзавы прызёр чэмпіянату Беларусі: 2019
• Уладальнік Кубка Беларусі: 2019
• Уладальнік Суперкубка Беларусі: 2020
• У спісе 22 найлепшых футбалістаў чэмпіянату Беларусі: 2019