Юбілейны медаль «350 гадоў казацтву на Беларусі»
| Юбілейны медаль «350 гадоў казацтву на Беларусі» | |
|---|---|
 |
|
| Краіна |
 Беларусь |
| Тып | медаль |
| Каму ўручаецца | казакам, ветэранам |
| Кім уручаецца | Вярхоўны атаман (Беларускае казацтва) |
| Дата заснавання | 2005 год |
| Статус | не ўручаецца |
| Характарыстыкі | |
| Памеры | дыяметр 33мм |
Юбілейны медаль «350 гадоў казацтву на Беларусі (1654-2004 гадоў)» (руск.: Юбилейная медаль «350 лет казачеству на Беларусі (1654-2004 гг.)»)[1] — гадавінны медаль, зроблены на замову рэспубліканскай грамадскай арганізацыі «Беларускага казацтва».
Гісторыя[правіць | правіць зыходнік]
19 лютага 2005 года былі зладжаныя дзеі для святкавання 350-й гадавінны з даты заснавання казацтва ў Беларусі (таксама ў 2005 годзе была 10-я гадавіна з заснавання РГА «Беларускага казацтва»). У рамках святкавання, паводле рашэння савета атаманаў РГА «Беларускага казацтва» быў заснаваны юбілейны медаль. Медалі выраблялася на УП «Творчая дызайн-студыя «Сэнс».
Колькасць[правіць | правіць зыходнік]
Яна створаная ў двух варыянтах: бронзавая і пасярэбраная. Колькасць бронзавых 300 штук. Для ганаровага ўзнагароджання выраблены пасярэбраныя медалі ў колькасці 50 штук.
Апісанне[правіць | правіць зыходнік]
Медаль мае форму кола дыяметрам 33 мм. Аверс медаля нясе чаканеную выяву Атаманскага крыжа, цэнтральны медальён якога абрамлены цярновым вянком. Літары абрэвіятуры «БК» (Беларускае казацтва) на медальёне выкананыя паглыбленыя і залітыя чырвонай эмаллю. Гарызантальныя канцы крыжа нясуць даты заснавання першага казацкага палка і юбілею: «1654-2004».
У цэнтры рэверсу выбіты выпуклы гарызантальны надпіс на пяць радкоў: «350 ГАДОЎ БЕЛАРУСКАМУ КАЗАЦТВУ № _» (руск.: «350 ЛЕТ БЕЛОРУССКОМУ КАЗАЧЕСТВУ № _»). Нумар медаля рэзаўся штыхелем ўручную пры ўзнагароджанні. Уверсе па дузе выбіты дэвіз: «АЙЧЫНЕ ВЕРНЫЯ» (руск.: «Отечеству верны»). Ніжняя частка акружаная паўвянком з лаўровага і дубовых лісцяў, змацаваных спражкай.
Медаль падвешваецца за цэльнаштампованае вушка да пяцікутнай калодкі, абцягнутай складовай стужачкай з рабрыстага шоўку. Правая частка стужачкі колераў афіцыйнага сцяга, левая — Георгіеўскай стужкай. На вушку з абодвух бакоў адчаканенае таўро вытворцы: «Сэнс».
Пасярэбраны варыянт медаля мае абсалютна ідэнтычны дызайн і памеры. На абрэвіятуры адсутнічае чырвоная эмаль.
Зноскі
- ↑ Могилевский казачий полк отметил 350 лет с момента создания // Naviny.by. — 20.05.2005.