Юбілейны (кінатэатр, Гомель)
| Кінатэатр | |
| «Юбілейны» | |
|---|---|
.jpg) | |
| 52°27′23″ пн. ш. 31°00′08″ у. д.HGЯO | |
| Краіна |
 Беларусь |
| Горад | |
| Тып будынка | кінатэатр |
| Архітэктар | В. Ціхава |
| Дата заснавання | 1979 |
| Дата пабудовы | 1979 год |
| Дата скасавання | 2011 |
| Сайт | bestkino.by |
 |
|
«Юбілейны» — колішні кінатэатр у Гомелі, размешчаны па вул. Юбілейнай. Адкрыты ў 1979 годзе. Пабудаваны па тыпавым праекце з перапрацоўкай фасадаў і інтэр’ераў (архітэктар В. Ціхава). У кінатэатры праводзіліся кінафестывалі, тэматычныя паказы фільмаў, заняткі кіналекторыяў і кінаклубаў, арганізоўваліся перасоўныя выстаўкі.
Першым у горадзе пачаў паказ фільмаў у фармаце 3D. Балансатрымальнік маёмасці, Гомельскі дзяржаўны медыцынскі ўніверсітэт, здаў кінатэатр у арэнду ПУП "Інвестыцыйная Кампанія «Капітал-актыў». У 2008 годзе была праведзена мадэрнізацыя кінатэатра, устаноўлены новая сістэма гуку, 21-метровы бясшвоўны экран. Пасля крызісу кінатэатр у 2011 годзе быў закрыты[1]. 28 снежня 2018 года з дзясятай спробы кінатэатр быў прададзены на аўкцыёне за 250,2 тысяч беларускіх рублёў[2] ТАА «Элфента-спорт». Уласнік плануе выкарыстоўваць будынак для размяшчэння спартыўна-забаўляльнага комплексу[3].
Архітэктура
[правіць | правіць зыходнік]Актыўна ўдзельнічае ў фарміраванні архітэктурнага аблічча гандлёва-бытавога цэнтра. 2-павярховы асіметрычны складанай канфігурацыі ў плане будынак. У аснове кампазіцыі кантраст глухіх паверхняў сцен і вітража на галоўным фасадзе. У планіровачнай структуры будынка вылучаны функцыянальныя групы памяшканняў. На 1-м паверсе размешчаны касавы вестыбюль, адміністрацыйнае памяшканне, буфет. Цэнтральная лесвіца злучае ўваходную групу памяшканняў з фае і глядзельнымі заламі на 300 і 800 месцаў (вырашаны амфітэатрам). У аздабленні фасадаў і інтэр'ераў выкарыстаны дэкаратыўная тынкоўка пад граніт, чырвоная керамічная і гіпсавая пліткі.
Зноскі
- ↑ Кто закрыл «Юбилейный», и грозит ли исчезновение гомельским кинотеатрам? 30 ноября 2011 Архівавана 5 сакавіка 2012.
- ↑ Кинотеатр Юбилейный в Гомеле продан по рекордной цене, Дек 29 2018(недаступная спасылка). Архівавана з першакрыніцы 10 мая 2021. Праверана 22 жніўня 2020.
- ↑ Что будет с кинотеатром «Юбилейный» в Гомеле? 29 Января 2019
Літаратура
[правіць | правіць зыходнік]- «Юбилейный» // Гомель. Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1991. — 528 с. — ISBN 5-85700-054-8.