Тадэвуш Макоўскі

Тадэвуш Макоўскі
польск.: Tadeusz Makowski
Дата нараджэння	29 студзеня 1882(1882-01-29)
Месца нараджэння	Асвенцім, Асвянцімскі павет, Малапольскае ваяводства, Польшча
Дата смерці	1 лістапада 1932(1932-11-01)[…] (50 гадоў)
Месца смерці	IV акруга Парыжа, Парыж, Парыж, рэгіён Іль-дэ-Франс, Метраполія Францыі, Францыя
Месца пахавання	могілкі ў Манмарансі[d]
Грамадзянства	Польшча
Род дзейнасці	мастак, графік, паэт, тэарэтык мастацтва
Вучоба	Кракаўская акадэмія мастацтваў
Уплыў на	Генрыета Багіён[d]
Медыяфайлы на Вікісховішчы

Тадэвуш Юзаф Макоўскі (польск.: Tadeusz Józef Makowski; 29 студзеня 1882(1882-01-29), Асвенцім, Малапольскае ваяводства — 1 лістапада 1932(1932-11-01)^[…], IV акруга Парыжа) — польскі мастак-жывапісец.

Біяграфія

Тадэвуш Макоўскі ў 1902—1906 гадах вывучаў класічную і польскую філалогію ў Ягелонскім універсітэце ў Кракаве і паралельна вучыўся жывапісу ў мясцовай Акадэміі мастацтваў (у 1903—1908 гадах), у класах Яна Станіслаўскага і Ёзэфа Мехофера. На мяжы 1908/1909 гадоў Т. Макоўскі з’ехаў у Парыж, дзе і застаўся да канца жыцця. Спачатку мастак трапіў пад уплыў фрэскавага жывапісу Пюві дэ Шавана. Макоўскі пазнаёміўся з Пабла Пікаса, і паміж імі завязалася сяброўства.

Жыў пераважна ў Францыі. У ранні перыяд пад уплывам П. Пюві дэ Шавана ствараў манументальныя сімвалічныя карціны («Хрышчэнне ў Іардані», 1909), пазней зазнаў уплыў кубізму («Партрэт мужчыны ў белым капелюшы», 1912). З 1920-х г. рабіў геаметрызаваныя кампазіцыі, пераважна на тэмы з жыцця дзяцей, у якіх спалучаў рысы сімвалізму, кубізму і прымітывізму. Сярод твораў: «Дзіцячая капэла» (1922), «Дзеці і ліхтарыкі» (каля 1928), «Шавец» (1930), «Скнара» (1932), «Двое дзяцей з сабакам» (каля 1932) і інш.

Літаратура

• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).