Перайсці да зместу

Юрый Віктаравіч Габоўда

З Вікіпедыі, свабоднай энцыклапедыі
Футбол
Юрый Габоўда
Агульная інфармацыя
Поўнае імя Юрый Віктаравіч Габоўда
Нарадзіўся 6 мая 1989(1989-05-06)[1][2] (35 гадоў)
Грамадзянства  Украіна
Рост 182 см
Вага 73 кг
Пазіцыя паўабаронца
Інфармацыя пра клуб
Клуб завяршыў кар’еру
Маладзёжныя клубы
2003—2004 Украіна Сакалята (Мукачава) 16 (5)
2004—2006 Украіна ВФК-Карпаты (Львоў) 28 (8)
Клубная кар’ера[* 1]
2006—2011 Украіна Карпаты (Львоў) 7 (0)
2006—2008 →  Украіна Карпаты-2 (Львоў) 35 (1)
2011—2012 Украіна Крыўбас (Крывы Рог) 13 (0)
2012—2013 Украіна Таўрыя (Сімферопаль) 28 (0)
2014 Украіна Карпаты (Львоў) 4 (0)
2015 Беларусь Граніт (Мікашэвічы) 24 (5)
2016 Беларусь Дынама (Мінск) 25 (3)
2017 Украіна Рух (Вынныкы) 13 (3)
2017—2018 Венгрыя Балмазуйвараш 29 (0)
2018—2019 Венгрыя Халадаш (Сомбатхей) 40 (1)
2020 Венгрыя Дэбрэцэн 6 (0)
2020—2021 Беларусь Тарпеда-БелАЗ (Жодзіна) 31 (11)
2022 Чэхія Дукла (Прага) 8 (0)
2022—2023 Чэхія Сокал (Гостаўнь) 21 (2)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 9 кастрычніка 2023.
Лагатып Вікісховішча Медыяфайлы на Вікісховішчы

Юрый Габоўда (нар. 6 мая 1989, Мукачэва, Закарпацкая вобласць) — украінскі футбаліст, паўабаронца.

Клубная кар’ера

[правіць | правіць зыходнік]

Выхаванец мукачаўскага футбола і Львоўскага вучылішча фізкультуры (трэнер — Алег Родзін)[3].

У асноўным складзе львавян дэбютаваў 24 красавіку 2010 года ў гульні з кіеўскім «Дынама» (перамога 1:0), выйшаўшы на замену на 90-й хвіліне. У матчы 1/16 Кубка Украіны «Гарняк-Спорт» (Камсамольск) — «Карпаты» зрабіў хет-трык, а каманда перамагла 5:0.

Падтрымлівае сяброўскія адносіны з львоўскімі фанатамі, адзін з улюбёнцаў ультрас «Карпат». Улетку 2011 года падпісаў кантракт з «Крыўбасам» (Крывы Рог)[4] на тэрмін 1 год.

Улетку 2012 перайшоў у сімферопальскую «Таўрыю». 11 сакавіка 2014 года атрымаў статус вольнага агента. Супрацоўніцтва паміж клубам і гульцом было спынена па пагадненні бакоў[5].

26 сакавіка 2014 падпісаў кантракт па схеме «2+2» з львоўскімі «Карпатамі», але ўлетку таго ж года «Карпаты» і Габоўда разарвалі кантракт.

У студзені 2015 года знаходзіўся на праглядзе ў салігорскім «Шахцёры», але не падышоў гэтаму клубу[6]. Пазней накіраваўся на прагляд у мікашэвіцкі «Граніт», з якім у сакавіку 2015 падпісаў кантракт[7]. Неўзабаве замацаваўся ў асноўным складзе клуба і стаў адным з яго лідараў, дапамог па выніках сезона 2015 заняць высокае пятае месца ў чэмпіянаце.

Па заканчэнні чэмпіянату цікавасць да Габоўды стала праяўляць мінскае «Дынама». Са студзеня 2016 года паўабаронца знаходзіўся ў сталічным клубе на праглядзе, які скончыўся падпісаннем кантракта[8]. Замацаваўся ў аснове дынамаўцаў, спачатку выкарыстоўваўся як левы паўабаронца, але пазней стаў часцей гуляць у якасці левага абаронцы. У снежні 2016 года па заканчэнні кантракт пакінуў «Дынама»[9].

У пачатку 2017 года праходзіў прагляд у «Александрыі», але вырашыў не падпісваць кантракт[10]. У лютым 2017 года стаў іграком клуба Другой лігі «Рух»[11] і дапамог яму выйсці ў Першую лігу. У ліпені 2017 года перайшоў у венгерскі клуб «Балмазуйвараш»[12], а ў чэрвені 2018 года змяніў яго на «Халадаш»[13], дзе гуляў да снежня 2019 года.

У студзені 2020 года стаў іграком «Дэбрэцэна»[14], аднак не здолеў па выніках сезона 2019/20 выратаваць каманду ад вылету ў другі дывізіён. У жніўні 2020 года зноў апынуўся ў Беларусі, папоўніўшы склад жодзінскага «Тарпеда-БелАЗ»[15], дзе хутка стаў адным з асноўных ігракоў. У студзені 2021 года падоўжыў кантракт з жодзінскім клубам[16].

У пачатку 2022 года быў пераведзены ў дубль жодзінцаў, неўзабаве вярнуўся ў асноўны склад. У сакавіку 2022 года па пагадненні бакоў пакінуў «Тарпеда-БелАЗ»[17]. У хуткім часе пераехаў у Прагу і далучыўся да мясцовай «Дуклы», а ў жніўні 2022 года перабраўся ў «Сокал» з Гостаўня.

У ліпені 2023 года атрымаў пасаду спартыўнага дырэктара ў акадэміі ровенскага «Вераса»[18].

Дасягненні

[правіць | правіць зыходнік]

Крыніцы

[правіць | правіць зыходнік]
  1. ↑ Yuri Gabovda // Transfermarkt — 2000. Праверана 9 кастрычніка 2017.
  2. ↑ Yuriy Habovda // FBref.com
  3. ↑ Футболісти та тренери «Карпат» традиційно перед стартом сезона зустрілися зі своїми вболівальниками (ЗІК, 16 липня 2009) (укр.)
  4. ↑ Юрий Габовда — игрок «Кривбасса» (ua-football.com, 11.08.2011) (руск.)
  5. ↑ "Таврия" и Юрий Габовда прекратили сотрудничество Архівавана 4 сакавіка 2016. (руск.)
  6. ↑ Габовда и Козлов не подошли «Шахтеру», серб Чович по-прежнему на просмотре (руск.)
  7. ↑ "Гранит" подписал Невмываку, Габовду и Гаврилова (руск.)
  8. ↑ Юрий Габовда стал игроком минского "Динамо" (руск.)
  9. ↑ Концевой, Челядинский и Габовда покидают минское "Динамо" (руск.)
  10. ↑ Юрий Габовда: «Решил не подписывать контракт с «Александрией» (руск.)
  11. ↑ Юрий Габовда стал игроком команды второго дивизиона Украины (руск.)
  12. ↑ Габовда перешел в венгерский «Бальмазуйварош» (руск.)
  13. ↑ Юрий Габовда сменил клуб в Венгрии (руск.)
  14. ↑ Габовда перешел в «Дебрецен» (руск.)
  15. ↑ Габовда стал игроком «Торпедо-БелАЗ» (руск.)
  16. ↑ Юрий Габовда остается в "Торпедо-БелАЗ" (руск.)
  17. ↑ Юрий Габовда расстался с "Торпедо-БелАЗ" по соглашению сторон (руск.)
  18. ↑ Габовда получил должность в структуре Вереса (руск.). ua-football.com (28 ліпеня 2023). Праверана 9 студзеня 2023.
Узята з "https://be.wikipedia.org/w/index.php?title=Юрый_Віктаравіч_Габоўда&oldid=4676067"