Юрый Канстанцінавіч Казлоў

Юрый Канстанцінавіч Казлоў
Дата нараджэння	7 студзеня 1928(1928-01-07)
Месца нараджэння	Масква, Маскоўская губерня, РСФСР, СССР
Дата смерці	12 жніўня 2016(2016-08-12) (88 гадоў)
Род дзейнасці	навуковец, выкладчык універсітэта
Месца працы	Маскоўскі дзяржаўны ўніверсітэт дызайну і тэхналогіі[d] Інстытут эканомікі РАН[d]
Навуковая ступень	доктар эканамічных навук (1968)
Навуковае званне	прафесар (1971) член-карэспандэнт АН БССР (1974)
Альма-матар	Маскоўскі дзяржаўны ўніверсітэт дызайну і тэхналогіі[d] (1951)

Юрый Канстанцінавіч Казлоў (нар. 7 студзеня 1928, Масква — 12 жніўня 2016) — беларускі эканаміст. Член-карэспандэнт Нацыянальнай акадэміі навук Беларусі (1974), доктар эканамічных навук (1968), прафесар (1971).

Біяграфія

Скончыў Маскоўскі тэхналагічны інстытут лёгкай прамысловасці (1951). Да 1953 года працаваў майстрам, начальнікам цэха на заводзе. З 1954 года у Савеце па вывучэнні вытворчых сіл АН СССР.З 1958 года у Цэнтральным эканамічным НДІ Дзяржплана РСФСР.

З 1960 года у Інстытуце эканомікі АН СССР. З 1963 года загадчык лабараторыі Цэнтральнага НДІ цяжкага машынабудавання. З 1964 года загадчык сектарам Савета па вывучэнню прадукцыйных сіл пры Дзяржплане СССР. З 1971 года дырэктар Галоўнага навукова-даследчага вылічальнага цэнтра выканкама Массавета.

У 1973—1979 гадах дырэктар НДІ эканомікі і эканоміка-матэматычных метадаў планавання пры Дзяржплане БССР. З 1982 года загадчык кафедры Маскоўскага інстытута кіравання, прафесар кафедры Маскоўскага дзяржаўнага ўніверсітэта дызайну і тэхналогіі.

Навуковая дзейнасць

Навуковыя працы ў галіне аптымальнага планавання, развіцця і размяшчэння прадукцыйных сіл краіны, стварэння аўтаматызаваных сістэм кіравання народнай гаспадаркай. Унёс уклад у распрацоўку пытанняў размяшчэння асобных галін машынабудавання і іх комплексаў.

Аўтар больш за 50 навуковых прац, у т.л. 8 манаграфій.

Асноўныя працы

• Развитие и размещение машиностроения и методика его планирования. М.: Экономика, 1964.
• Организационные проблемы научно-технического прогресса. М.: Мысль, 1972.
• Развитие и размещение машиностроения СССР. М.: Машиностроение, 1974.

Літаратура

• Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — С. 431. — 10 000 экз. — ISBN 985-11-0035-8. — ISBN 985-11-0130-3 (т. 7).

Спасылкі

• Юрый Канстанцінавіч Казлоў у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.) (Праверана 6 чэрвеня 2023)
• Памяці вучонага. Казлоў Юрый Канстанцінавіч (Праверана 6 чэрвеня 2023) // НАН Беларусі