Ядзвіга Браніславаўна Юферава

Ядзвіга Браніславаўна Юферава
Ядзвіга Браніславаўна Юферава
Род дзейнасці	журналістка
Дата нараджэння	25 лістапада 1949 (74 гады)
Месца нараджэння	Іўе, Іўеўскі раён, Маладзечанская вобласць, БССР, СССР;
Грамадзянства	СССР; Расія;
Муж	Сяргей Мікалаевіч Юфераў[d]
Месца працы	Знамя юности; Камсамольская праўда; Известия[d];
Альма-матар	факультэт журналістыкі БДУ (1971); Мінская вышэйшая партыйная школа пры ЦК КПБ (1980);
Узнагароды і прэміі	; прэмія Урада Расійскай Федэрацыі ў вобласці сродкаў масавай інфармацыі[d]
	Медыяфайлы на Вікісховішчы

Ядзвіга Браніславаўна Юферава (нар. 25 лістапада 1949, Іўе) — «Заслужаны работнік культуры», Акадэмік Акадэміі расійскай прэсы, намеснік галоўнага рэдактара «Российской газеты», кіраўнік праекта (з 2015 года) інтэрнэт-партала «ГодЛитературы. РФ», Ганаровы грамадзянін горада Іўе.

Біяграфія[правіць | правіць зыходнік]

Да пятага класа вучылася ў Лукашынскай базавай школе. Затым бацькі пераехалі ў Іўе, дзе скончыла школу з сярэбраным медалём.

Пасля заканчэння факультэта журналістыкі БДУ (1971) працавала карэспандэнтам, загадчыкам аддзела газеты «Знамя юности» (Мінск), затым стала слухачом Мінскай вышэйшай партыйнай школы (1978—1980), пасля заканчэння якой працавала інструктарам ЦК ЛКСМ Беларусі. З мая 1987 года па снежань 1993 года — першы намеснік галоўнага рэдактара газеты «Комсомольская Правда». У 1993—1999 гадах — рэдактар аддзела культуры, загадчыца грамадска-палітычнай газеты «Известия».

З кастрычніка 1999 года палітычны аглядальнік газеты «Труд». З красавіка 2001 па цяперашні час — намеснік галоўнага рэдактара «Российской газеты», Член Апякунскай рады Фонду абароны правоў суайчыннікаў, якія пражываюць за мяжой (з 2011 г.). Член журы прэміі «Большая книга», член Савета па рускай мове пры Прэзідэнце Расійскай Федэрацыі.

Узнагароды[правіць | правіць зыходнік]

За сваю работу ўдастоена прэмій Урада Масквы і Урада Расіі. У снежні 2019 года пасол Беларусі ў Расіі Уладзімір Сямашка ўручыў юбілейны медаль «100 гадоў дыпламатычнай службе Беларусі».

Літаратура[правіць | правіць зыходнік]

Жалкоўскі, А. Залатое пяро Ядзвігі / А.Жалкоўскі // Iўеўскi край. — 2010. — 5 мая. — C. 4.
Юферова, Я. Должен ангел пролететь / Ядвига Юферова; беседовала Жанна Янчевская; фото // Гродзенская праўда. — 2010. — 28 ліп. — C. 7.