Камсамольская праўда

«Комсомольская правда»
Перадавіца газеты 23 мая 1930 года
Арыгінальная назва	руск.: Комсомольская правда
Тып	штодзённая
Фармат	А3
Выдавец	ЗАТ «Издательский дом „Комсомольская правда“»
Краіна	СССР  Расія
Рэдактар	Алеся Носава
Галоўны рэдактар	Alexander Slepkov[d] і Olesya Nosova[d]
Заснавана	24 мая 1925
Мова	руская
Кошт	вольны
Галоўны офіс	Масква Novodmitrovskaya Street[d]
Тыраж	655 000
ISSN	0233-433X і 1563-6372
Узнагароды
Вэб-сайт	kp.ru
Медыяфайлы на Вікісховішчы

«Комсомо́льская пра́вда» (бел.: Камсамольская праўда) — штодзённая газета, заснаваная 13 сакавіка 1925 года. У савецкі перыяд — орган ЦК УЛКСМ.

Гісторыя

Створана ў адпаведнасці з рашэннем XIII з’езду РКП (б). Першы нумар газеты выйшаў 24 мая 1925 года накладам 31 тыс. асобнікаў.

Газета першапачаткова арыентавалася на моладзевую аўдыторыю, таму ў ёй было шмат навукова-папулярных і прыгодніцкіх артыкулаў. У 1960—1970-х гадах у ёй працавалі такія журналісты як Галаванаў і Пяскоў. З пачаткам перабудовы ў газеце пачалі з’яўляцца сацыяльна-крытычныя артыкулы, якія яшчэ больш падвысілі папулярнасць газеты. У канцы 1980-х гадоў яе наклад дасягаў 20 млн асобнікаў.

З 1 снежня 1990 года «Комсомольская правда» перастала быць органам ЦК УЛКСМ, ператварыўшыся ва ўсесаюзную штодзённую газету.

19 жніўня 1991 года падчас Жнівеньскага путчу газета была забаронена ГКЧП і ўпершыню за ўсю гісторыю не выйшлі па графіку нумары 19 і 20 жніўня. Але ўжо 21 жніўня газета надрукавала ўсю хроніку падзеяў путчу як гістарычны дакумент.

У 1990—2000-я гады ад грамадcка-палітычнай тэматыкі газета прыкметна зрушыла акцэнт увагі на свецкую хроніку, жыцці знакамітасцей і пацеху чытача, стаўшы адным з буйных «таблоідаў». Палітычны агляд у газеце застаўся, але стаў займаць менш месца.

З 1993 года выходзіць штотыднёвік «Комсомольская правда» (часам званы «таўстушка») з павялічаным аб’ёмам. Яго наклад значна перавышае наклад штодзённага нумара і дасягае 3,1 мільёну асобнікаў. Да 2005 года штотыднёвік выходзіў па пятніцах, затым — па чацвяргах.

13 лютага 2006 года згарэў увесь шосты паверх будынка, дзе размяшчалася маскоўская рэдакцыя газеты «Комсомольская правда». Нягледзячы на пажар, «Камсамолка» засталася працаваць на вуліцы Праўды. Рэдакцыю перанеслі ў будынак былой паліклінікі на вул. Праўды, 15.

У пачатку жніўня 2007 года «Комсомольская правда» змяніла адрас і пераехала на Стары Пятроўска-Разумоўскі праезд (станцыя мэтро «Дынама»), дзе і знаходзіцца дагэтуль. Выдавецкі дом займае 3 паверху ў 8-павярховым будынку Маскоўскага швейнага аб’яднання «Вымпел» (заснаванае ў 1914 годзе), якое здае значную частку сваіх пляцаў пад камерцыйныя і іншыя арганізацыі.

У Беларусі

«КП у Беларусі» — беларуская версія выдання, якая выходзіла ў 1994—2021 гадах. Пасля прэзідэнцкіх выбараў 2020 года газеце не давалі друкавацца ў Беларусі і выдалілі з дзяржаўнай сеткі распаўсюджвання па падпісцы і ў розніцу. За паўгода пасля жніўня 2020 года тыраж выдання ўпаў са 150 да 39 тысяч асобнікаў.

29 верасня 2021 года сайт «КП у Беларусі» — kp.by — быў заблакаваны з-за матэрыялу Генадзя Мажэйкі пра перастрэлку ў Мінску, 1 кастрычніка журналіст быў арыштаваны. 5 кастрычніка 2021 года «Камсамольская праўда» закрыла свой беларускі філіял. У цяперашні час артыкулы і нататкі з навінамі з Беларусі публікуюцца на сайце расійскага выдання, у спецыяльна створаным раздзеле belarus.kp.ru.

Гл. таксама

• КП в Белоруссии

Спасылкі

• Афіцыйны сайт (руск.)
• «КП в Белоруссии» Архівавана 29 лістапада 2016. (руск.)