Ян Мінсэ Маленар

Ян Мінсэ Маленар
Дата нараджэння	1610[…]
Месца нараджэння	Харлем, Паўночная Галандыя, Рэспубліка Злучаных правінцый
Дата смерці	19 верасня 1668(1668-09-19) ці 15 верасня 1668(1668-09-15)
Месца смерці	Харлем, Паўночная Галандыя, Рэспубліка Злучаных правінцый
Грамадзянства	Рэспубліка Злучаных правінцый
Жонка	Юдыт Лейстэр
Род дзейнасці	мастак
Жанр	жанравы жывапіс
Мастацкі кірунак	барока
Уплыў	Франс Халс
Уплыў на	Юдыт Лейстэр
Медыяфайлы на Вікісховішчы

Ян Мінсэ Маленар (нідэрл.: Jan Miense Molenaer, 1610, Харлем — 15 верасня 1668, там жа) — галандскі жывапісец і графік эпохі барока.

Жыццё і творчасць

Мастацкую адукацыю Ян Маленар атрымаў у майстэрні Франса Халса. Большую частку свайго жыцця мастак жыў і працаваў у Харлеме. У 1648 годзе ён пераязджае ў Амстэрдам, дзе прытуліў у сябе ў доме жывапісца Яна Лівенса Старэйшага. У творчых адносінах знаходзіўся пад уплывам мастачкі Юдыт Лейстэр, з якой у 1636 годзе пабраўся шлюбам. Ян і Юдыт мелі пецярых дзяцей.

Я. Маленар пісаў пераважна жанравыя палотны са сцэнкамі з вясковага і сялянскага жыцця, у якіх адчуваецца ўплыў Ф. Халса і Ю. Лейстэр, асабліва ў каляровай гаме. Акрамя гэтага, мастак пісаў таксама партрэты, алегарычныя палотны, сямейныя і музычныя сцэнкі. Творчасць Я. Маленара аказала ўплыў на працы Хармэна Халса.

Абодва браты Я. Маленара — Барталамей Маленар (пам. 1650 у Харлеме) і Клас Маленар (пам. 1676 у Харлеме) таксама былі мастакамі.

Палотны Яна Маленара можна ўбачыць у найбуйнейшых музеях Амстэрдама, Гаагі, Лондана, Берліна, Франкфурта-на-Майне, Будапешта, Вены, Ротэрдама і інш.