Яўген Грэхаў

Яўген Грэхаў
Нарадзіўся	1980
Грамадзянства	Беларусь
Альма-матар	Гродзенскі дзяржаўны ўніверсітэт імя Янкі Купалы
Клубная кар’ера
2000—2002 РТІ 2002—2003 РТІ 2003—2004 РДВАР 2004—2005 Барысаў-БДУ 2005 БНТУ 2005—2011 Гродна-93

Яўген Мікалаевіч Грэхаў (нар. 6 студзеня 1985, Цеміртау, КазССР, СССР) — беларускі баскетбаліст. Атакуючы абаронца. Выступаў за моладзевую зборную Беларусі.

Біяграфія

Нарадзіўся ў сям’і са спартыўнымі традыцыямі, яго мама Жанна Васільеўна трэніравала каманду, у якой займаўся старэйшы брат і ён.

У першым класе стаў займацца з трэнерам Сяргеем Анатолевічам Дурэйкам на базе СШ № 6. Неўзабаве дырэктар ДзЮСШ Валерый Юрчанка запрасіў у зборную Смаргоні. У 9 класе паклікалі ў вучылішча алімпійскага рэзерву ў г. Мінск. Ён выступаў за юніёрскую (2002) і моладзевую (2004—2005) зборныя Беларусі, браў удзел у чэмпіянатах Еўропы.

Пасля вучылішча паступіў у БДУФК і працягваў кар’еру прафесійнага баскетбаліста, гуляючы за барысаўскую каманду. Калі прапанавалі выступаць за «Гродна-93», перавёўся на навучанне ў ГрДУ імя Янкі Купалы. Атрымаў дыплом педагога-арганізатара-метадыста фізічнай культуры, спорту і турызму.

З-за праблем са здароўем давялося завяршыць спартыўную кар’еру. Пасля заканчэння ўніверсітэта вярнуўся ў Смаргонь, уладкаваўся на працу трэнерам у СДзЮШАР. Пазней паралельна ўладкаваўся яшчэ і ў агульнаадукацыйную — настаўнікам фізкультуры СШ № 7.

Кар’ера

• 2000—2001 — РТІ (Мінск)
• 2001—2002 — РТІ-2 (Мінск) (у Паўночнаеўрапейскай баскетбольнай лізе U-18)
• 2002—2003 — РТІ-РВАР (Мінск)
• 2003—2004 — РВАР (Мінск)
• 2004—2005 — Барысаў-БДУ
• 2005 — Мінск-БНТУ
• 2005—2011 — Гродна-93

Дасягненні

• Сярэбраны прызёр чэмпіянату Беларусі (6): 2000/2001, 2002/2003, 2005/2006, 2006/2007, 2009/2010, 2010/2011.
• Бронзавы прызёр чэмпіянату Беларусі (1): 2007/2008.
• Уладальнік Кубка Беларусі (1): 2007.
• Фіналіст Кубка Беларусі (1): 2005.

Спасылкі

• В созвездии спортивных достижений