Рэдкі від. Сустракаецца на паўночным захадзе Еўропы (Швецыя, Фінляндыя, Літва, Латвія, Беларусь). У Швецыі адзінае назіранне гэтага жука было ў 1996 годзе, а ў Беларусі яшчэ ў XIX стагоддзі. У Фінляндыі, пачынаючы з 1975 года, было каля 10 знаходак.
Дробны жук, даўжынёй 2,0-2,5 мм, спінка вельмі выпуклая. Надкрыллі жаўтлява-карычневага колеру з цёмнай плямай спераду і цёмным сэрцападобным малюнкам пасярэдзіне крылаў. Пры небяспецы жук скручваецца ў шар.