Перайсці да зместу

All Lives Matter

З Вікіпедыі, свабоднай энцыклапедыі

«All Lives Matter» (#AllLivesMatter) («Усе жыцці маюць значэнне») — папулярны слоган, які ўзнік як адказ на рух «Black Lives Matter»[1]. Гэты слоган адлюстроўвае расава-нейтральны падыход да розных праблемах, якія існуюць у ЗША[2]. У перыяд з ліпеня 2016 года па май 2018 года слоган «All Lives Matter» выкарыстоўваўся ў Твітэры ў якасці хештэга ў сярэднім 1844 разы на дзень[3].

Паходжанне

[правіць | правіць зыходнік]

Узнікненне слогана «All Lives Matter» цесна звязаны з рухам «Black Lives Matter», які стаў зваротнай рэакцыяй на вынясенне апраўдальнага прысуду Джорджу Цымерману, што здзейсніў забойства афраамерыканскага падлетка Трэйвона Марціна[4].

Асаблівая ўвага на «All Lives Matter» была засяроджана падчас прэзідэнцкіх выбараў у ЗША 2016 года. Найбольш часта да дадзенага слогану звярталіся рэспубліканцы. Рэспубліканскі кандыдат на пасаду прэзідэнта Бэн Карсан абвінаваціў рух Black Lives Matter у пераследзе няправільных мэтаў. Рэнд Пол, іншы кандыдат ад Рэспубліканскай партыі, заявіў, што руху неабходна змяніць імя — напрыклад, на «All Lives Matter»[5].

Слоган «All Lives Matter» досыць супярэчлівы і выклікае бурныя дэбаты: адны інтэрпрэтуюць яго як заклік да акцэнтавання ўвагі не толькі на забойствах афраамерыканцаў, іншыя разглядаюць яго як спробу адвесці ўвагу ад дагэтуль існуючай праблемы расізму. Аднак у асноўным слоган «All Lives Matter» супрацьпастаўляюць слогану «Black Lives Matter». 44-ы прэзідэнт дзяржавы Барак Абама пракаментаваў гэта наступным чынам: «Калі людзі кажуць, што жыцці чарнаскурых важныя (Black Lives Matter), гэта зусім не значыць, што жыцці іншых людзей не важныя. Наадварот, важнае жыццё кожнага (All Lives Matter). Аднак справа ў тым, што цяпер выклікае непакой той факт, што, паводле статыстыкі, чарнаскурыя часцей за іншых становяцца ахвярамі падобных інцыдэнтаў»[6].

Адносіны

[правіць | правіць зыходнік]

Падтрымка

[правіць | правіць зыходнік]

Згодна з вынікамі апытання, якое праводзілася кампаніяй Rasmussen Reports у 2015 годзе, большасць амерыканцаў, а менавіта 78 %, падтрымліваюць лозунг All Lives Matter. На баку Black Lives Matter толькі 11 % апытаных. Усяго 9 % амерыканцаў адказалі, што ні адзін з прапанаваных слоганаў не адлюстроўвае іх пункт гледжання.

На баку слогана «All Lives Matter» часцей за ўсё выступаюць рэспубліканцы (88 %). Даволі часта да гэтага лозунгу звяртаўся Дональд Трамп. Ён, лічачы рух Black Lives Matter расісцкім, падкрэсліваў важнасць і значнасць лозунгу «All Lives Matter». Аднак у Дэмакратычнай партыі падтрымка All Lives Matter таксама відавочна — 67 % апытаных лічаць, што важнае жыццё кожнага чалавека, у той час, як толькі 23 % дэмакратаў падтрымліваюць лозунг «Black Lives Matter»[7].

Супрацьстаянне паміж All Lives Matter і Black Lives Matter працягвае развівацца, выяўляючыся не толькі на дэманстрацыях або ў выказваннях палітыкаў. Так, у 2016 годзе перад гульнёй Галоўнай лігі бейсбола адзін з удзельнікаў канадскага вакальнага ансамбля The Tenors, Рэміджа Перэйра, выконваючы сваю партыю, падняў плакат з надпісам «All Lives Matter», а таксама змяніў некаторыя словы ў нацыянальным гімне Канады[8]. Падчас іншай спартыўнай падзеі, матчу Нацыянальнай футбольнай лігі, заўзятар Chicago Bears выбег на поле ў касцюме гарылы, апранутай ў футболку, на якой было напісана: «All Lives Matter»[9].

Крытыка

[правіць | правіць зыходнік]

Слоган «All Lives Matter» падвяргаецца жорсткай крытыцы з боку руху Black Lives Matter, а таксама яго саюзнікаў. Яны разглядаюць яго як спробу прыбраць фокус з канкрэтных праблем чарнаскурага насельніцтва Амерыкі[10]. Так, Алісія Гарcа, адна з сузаснавальніц руху Black Lives Matter, упэўнена, што існаванне слогана «All Lives Matter» лішні раз падкрэслівае тое, што грамадства не прызнае існаванне расізму ў свеце[11].

Прафесар Дэвід Тэа Голдбэрг падкрэслівае, што слоган «All Lives Matter» спрыяе ігнараванню і адмаўленню расізму ў сучасным грамадстве. Голдберг лічыць, што ў сучасным свеце неабходна акцэнтаваць увагу менавіта на пастаянна ігнаруемай значнасці жыццяў чарнаскурага насельніцтва (Black Lives Matter)[12].

Для многіх слоган «All Lives Matter» стаў сведчаннем поўнага ігнаравання існуючага няроўнасці ў ЗША, а таксама адмовы прызнаць, што ў дзяржаве не ўсе жыцці аднолькава каштоўныя. Актывісты лічаць, што All Lives Matter зводзіць праблему расізму да індывідуальных забабонам асобных асоб і выстаўляе афраамерыканцаў агрэсарамі[1].

Больш за тое, слоган «All Lives Matter» шматлікія прадстаўнікі левых рухаў Захада лічаць расісцкім, так як, на іх думку, ён накіраваны на замоўчванне праблем чарнаскурых[13]. Грамадскае асуджэнне прымусіла многіх публічных людзей прынесці прабачэнні за публікацыю пастоў з хештэгам #AllLivesMatter. Напрыклад, Джэніфер Лопес выдаліла са свайго акаўнта ў Твітэры пост з дадзеным хештэгам, а рэпер Fetty Wap, таксама выдаліць пост з хештегом #AllLivesMatter. Дональд Трамп і Хілары Клінтан таксама падвяргаліся нападкам і грамадскаму асуджэнню за ўжыванне слогана «All Lives Matter»[10].

Зноскі

[правіць | правіць зыходнік]
  1. ↑ а б Smith, David backlash against Black Lives Matter is just more evidence of injustice". Архівавана 1 лістапада 2018. The Conversation. July 5, 2016
  2. ↑ Ryan J. Gallagher, Andrew J. Reagan, Christopher M. Danforth, Peter Sheridan Dodds. discourse between protests and counter-protests: #BlackLivesMatter and #AllLivesMatter".(недаступная спасылка)Plos One. April 18, 2018
  3. ↑ Monica Anderson, Lee Rainie, Aaron Smith analysis of #BlackLivesMatter and other Twitter hashtags related to political or social issues". Архівавана 1 лістапада 2018. Pew Research Center. July 11, 2018
  4. ↑ Девичанд, Мукул «Чёрные жизни важны»: что будет после Далласа?". Архівавана 1 лістапада 2018. BBC. 9 июня 2016
  5. ↑ Marino, Gordon (2016). Lives Matter Vs. Black Lives Matter". Архівавана 1 лістапада 2018. Commonweal
  6. ↑ Obama defends Black Lives Matter movement". CBS News. Retrieved October 24, 2015
  7. ↑ Lives Matter Or All Lives Matter?". Архівавана 1 лістапада 2018. Rasmussen Reports. August 20, 2015. Retrieved July 14, 2016.
  8. ↑ Gaines, Cork «Group adds „All Lives Matter“ to lyrics of Canadian national anthem before MLB All-Star Game». Business insider. July 12, 2016
  9. ↑ in gorilla suit, All Lives Matter shirt arrested at Bears game". Архівавана 1 лістапада 2018. Chicago Sun-Times. Retrieved 2016-10-18.
  10. ↑ а б Victor, Daniel (2016-07-15). «Why 'All Lives Matter' Is Such a Perilous Phrase». The New York Times. ISSN 0362-4331. Retrieved 2016-11-20.
  11. ↑ Building movements without shedding differences^ Alicia Garza of #BlackLivesMatter. March 24, 2015
  12. ↑ Goldberg, David Theo (September 25, 2015). 'Black Lives Matter' Because All Lives Don’t Matter in America". The Huffington Post. Retrieved November 18, 2015.
  13. ↑ May, Ashley (July 13, 2016). hashtag is racist, critics say". USA Today. Retrieved July 14, 2016.
Узята з "https://be.wikipedia.org/w/index.php?title=All_Lives_Matter&oldid=4477004"