Даўжыня да 1 м. Адрозніваюцца ад прадстаўнікоў артрадыраў размяшчэннем пласцінак панцыра. Частка тулава, галавы і грудных плаўнікоў укрыта касцявым панцырам, хваставая — луской. Збліжаныя вочы размяшчаліся ў агульнай арбіце на спінным баку галаўнога панцыра. Сківіцы слабыя, у выглядзе 2 пар тонкіх пласцінак, 1—2 спінныя плаўнікі, хваставы — гетэрацэркальны.
Вядомы з сярэдняга і позняга дэвону ўсіх мацерыкоў, 2 атрады. Жылі ў прэсных і саленаватых вадаёмах. Тыповыя прадстаўнікі — батрыялепісы (Bothriolepis).
