З Вікіпедыі, свабоднай энцыклапедыі
Палёўкі (Arvicolinae , Microtinae ) — падсямейства млекакормячых жывёл з сямейства хамяковых.
Даўжыня цела (акрамя андатры (Ondatra zibethicus )) да 23 см, хваста — да паловы даўжыні цела. Морда круглявая, вушы кароткія.
Налічваецца больш за сорак родаў (каля дваццаці сучасных), каля ста відаў. Пашыраны ў Еўропе, Азіі, Паўночнай Амерыцы. Жывуць у розных ландшафтах, сем'ямі або калоніямі. На Беларусі сустракаюцца андатра (Ondatra zibethicus ), палёўка вадзяная (Arvicola amphibius ), палёўка рыжая (Myodes glareolus ), палёўка-эканомка (Microtus oeconomus ), палёўка звычайная, або шэрая (Microtus arvalis ), палёўка земляная, або падземная (Microtus subterraneus ), палёўка цёмная, або пашавая (Microtus agrestis ).
Расліннаедныя. Нараджаюць да дванаццаці і больш дзіцянят, да пяці разоў за год.
Многія палёўкі — шкоднікі сельскагаспадарчых раслін, пераносчыкі ўзбуджальнікаў хвароб. Корм для многіх драпежных птушак і звяроў. Некаторыя — аб'екты промыслу.
Зноскі
Самусенка Э. Палёўкі // БЭ ў 18 т. Т. 11. Мн., 2000.