Chrysophyta

Chrysophyta
Залацістая каланіяльная водарасць з роду Дынобрыян (Dinobryon)
Навуковая класіфікацыя
Дамен:  Эўкарыёты Царства:  Храмісты Тып:  Chrysophyta
Міжнародная навуковая назва
Chrysophyta Pascher, 1914
Класы
Chrysophyceae — Залацістыя водарасці Synurophyceae Pelagophyceae
Пошук выяў на Вікісховішчы ITIS   1447 EOL   50017597 FW   69586

Chrysophyta — тып водарасцей.

Апісанне

Пераважна фотатрофы (маюцца і бясколерныя формы), з рознай арганізацыяй талома, а таксама адзіночныя і каланіяльныя пратысты. Большасць з іх рухомыя, але ёсць і прымацаваныя асобіны разнастайнага выгляду і памераў.

Жгуцікавыя клеткі звычайна маюць рухомы пярэдні жгуцік з трубчастымі мастыганемамі і задні гладкі жгуцік, які часта прылягае да паверхні клеткі, фарміруючы фотарэцэптарны апарат. У пераходнай зоне жгуціка размешчана спіраль. Хларапласты афарбаваны ў жоўта-зялёны або залаціста-буры колер, звычайна маюць абалонку з трох мембран і ўтрымліваюць хларафілы a і c, а таксама караціноіды. Мітахондрыі з трубчастымі ці пузыркападобнымі крыстамі. Рэзервныя рэчывы — хрызаламінарын і ліпіды.

Рзмнажэнне бясполае, палавы працэс апісаны ў нямногіх відаў.

Пашырэнне

Распаўсюджаны сусветна. Сістэматыка тыпа шматразова змянялася і працягвае распрацоўвацца. Выдзяляецца 3 класы, якія аб’ядноўваюць каля 1000 відаў.

Літаратура

• Протисты: Руководство по зоологии / под ред. академика РАН А. Ф. Алимова. — СПб.: Наука, 2000. — Т. 1. — 679 с. ISBN 5-02-025864-4